Կաշառք ստանալիս ոստիկանները բռնել են Վանաձորի քաղաքապետարանի պաշտոնյային. նա ձերբակալվել է

SHAMSHYAN.com-ի տեղեկություններով՝ երեկ՝ մարտի 3-ի, ոստիկանության կազմակերպված հանցավորության դեմ պայքարի (6-րդ) գլխավոր վարչության (վարչության պետ, ոստիկանութան գնդապետ Արսեն Այվազյանի), ոստիկանության Կոտայքի մարզի (մարզային վարչության և ոստիկանության Բազումի բաժնի ծառայողները՝ բաժնի պետ, ոստիկանության գնդապետ Արթուր Մկրտչյանի գլխավորությամբ ստացված օպերատիվ տվյալներն իրացնելով՝ խոշոր չափի կաշառք պահանջելու և ստանալու պահին մերկացրել են Վանաձոր քաղաքի բնակիչ Նվեր Օհանյանին։ Ինչպես հայտնում է ֆոտոլրագրող Գագիկ Շամշյանը, Ն. Օհանյանն աշխատում է Վանաձորի քաղաքապետարանի ճարտարապետաշինարարական բաժնում՝ որպես գլխավոր մասնագետ և քաղաքացուն հողատարածք տրամադրելու և սեփականության վկայական հանձնելու համար պահանջել և ստացել է 170 հազար դրամ։ Գումարը ստանալուպահին ոստիկանների կողմից նա «մերկացվել» և տեղափոխվել է Բազումի ոստիկանություն։ Փաստի առթիվ Բազումի ոստիկանության հետաքննչական բաժանմունքում Մելինե Եղշատյանի որոշմամբ հարուցվել է քրեական գործ՝ ՀՀ քր. օր-ի 311 հոդվածի 3-րդ մասի և 312 հոդվածի 1-ին մասի հատկանիշներով։ Ն. Օհանյանը Մ. Եղշատյանի որոշմամբ ձերբակալվել է։ Նախաքննության շահերից ելնելով՝ չենք հայտնում այն քաղաքացու տվյալները, ումից Վանաձորի քաղաքապետարանի պաշտոնյան կաշառք է պահանջել և ստացել։ Կաշառք ստանալու կասկածանքով ձերբակալված Ն. Օհանյանն է Ոստիկանությունը դեպքի վերաբերյալ տեսանյութ է հրապարակել, որը ներկայացնում ենք ստորև։։