Երեւանի գլխավոր ճարտարապետ Արթուր Մեսչյանը շարունակում է նախկինների քաղաքականությունը։ Այս մասին NEWS.am-ի հետ զրույցում ասաց քանդակագործ, նկարիչ Լեւոն Թոքմաջյանը՝ անդրադառնալով Խորենացու փողոցի 13 հասցեում, «Շիրակ» հյուրանոցի հարեւանությամբ գտնվող կրթության եւ գիտության նախարարության նախկին շենքի ճակատային մասը քանդելուն։
«Անթույլատրելի է նման որոշումը, նույնիսկ կատակով ասում են հեսա հերթը Օպերային են հասնելու, ես չեմ հասկանում, նախկիններին քննադատեցին, հիմա իրենք ինչ են անում։ Ո՞վ որոշեց, որ այն մշակութային արժեք չի ներկայացնում, եթե այդպես լինի Օպերան էլ իրենից նշակութային արժեք չի ներկայացնում, ուրեմն բռնենք քանդենք, դա էնքան հարաբերական է։ Սա անհեթեթություն է, ես դատապարտում եմ։ Մեսչյանն ասում էր, որ այլեւս ոչ մի շենք չի քանդվելու, հիմա ինչո՞վ են սա բացատրում, նախկինների նման նույն քաղաքականությունը շարունակում են։ Պետք էր ֆասադը պահել, ում է դա ձեռնտու, դա նույն պատմությունն է, ինչ-որ Հին Երեւան են ուզում վերականգնել, ի՞նչ Հին Երեւան, էլի մի էլիտար շենք են կառուցում»,- ասաց նա։
Երեւանի նախկին գլխավոր ճարտարապետ Տիգրան Բարսեղյանն էլ կայքի հետ զրուցում վստահեցրեց, որ շենքի ճակատային հատվածը քանդում են, որ հետագայում այն վերականգնեն արդեն շենքի ներսում։ «Այդ հարցը մի քանի անգամ քննարկվել է դեռ ամիսներ առաջ եւ այդ հատվածը պետք է պահպանվեր շենքի ներսում, իսկ ապամոնտաժումը անհրաժեշտ է, որպեսզի նկուղային հարկ կառուցվի, իսկ էդ հատվածի մասունքները պետք է կառուցվի ներսում»,- ասաց նա։
Տիգրան Բարսեղյանը, այնուամենայնիվ, փաստեց, որ շենքն իրենից մշակութային արժեք է ներկայացնում։ «Ճիշտ է, շենքը հուշարձան չէ, բայց նրա տեսքը շատ հիշողություներ ունի, այնպիսին է, որ դրա տեսքը Երեւանին պակասում է»,- ասաց նա։
Ավելի վաղ Երեւանի քաղաքապետարանից հայտնել էին, որ Խորենացու փողոցի 13 հասցեում, «Շիրակ» հյուրանոցի հարեւանությամբ գտնվող կրթության եւ գիտության նախարարության նախկին շենքը վերականգնվելու է նոր մոտեցմամբ: Շենքն ապամոնտաժվել է դեռեւս 2004թ.-ին, որի ժամանակ պահպանվել է միայն դիմային հատվածը: «Ի սկզբանե, 2004թ.-ին շենքը մասնավորեցվելուց հետո, սեփականատերերն իրենց ներկայացված նախագծերով չեն նախատեսել ճակատային հատվածի պահպանում: Շինությունը հուշարձան շենք չէ, ինչպես նաեւ ներառված չէ Երեւան քաղաքի՝ ճարտարապետական տեսակետից արժեքավոր ճակատներ ունեցող շենքերի կազմում:
2017թ. հողամասը ձեռք է բերել «Արմսվիս Փրոփերտիս» ՓԲԸ-ն, որը դիմել է Երեւանի քաղաքապետարան՝ շենքի կիսաքանդ ճակատային հատվածը ապամոնտաժելու եւ տեղում ստորգետնյա հարկերով բիզնես կենտրոն կառուցելու նպատակով:
Ընկերության կողմից ներկայացված բիզնես կենտրոնի կառուցման էսքիզային առաջարկով խնդրո առարկա ճակատը նոր մոտեցմամբ վերականգնվելու է՝ դառնալով համալիրի ինտերիերի բաղկացուցիչ մասը»,- ասված է քաղաքապետարանի հաղորդագրության մեջ:
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հունվարի 29-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստազորի փոխգնդապետ Տիգրան Չոբանյանը
ԶԼՄ-ներին և «Իմնեմնիմի»-ի աջակիցներին հունվարի 29-ին` ժամը 16:00-ին հրավիրում ենք աջակցելու, Երևան քաղաքի քրեական դատարանի Ավանի նստավայրում (հասցե՝ Գյուլիքևխվյան 20), ապօրինի կալանավորված Նարեկ Սամսոնյանին և Վազգեն Սաղաթելյանին
Հունվարի 28-ին՝ ժամը 15։30-ին, Հայելի ակումբի հյուրն է Նարե Սոսեն
Հունվարի 28-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
