Երևանն ու Բաքուն պետք է հասկանան հակամարտության էսկալացման անթույլատրելիության իրենց պատասխանատվությունը. Մատվիենկո
Հայաստանի և Ադրբեջանի ղեկավարները պետք է հասկանան իրենց պատասխանատվությունը Լեռնային Ղարաբաղում էսկալացիա թույլ չտալու գործում: Այդ մասին, ինչպես հայտնում է TASS-ը, լրագրողների հետ զրույցում հայտարարել է ՌԴ Դաշնության խորհրդի նախագահ Վալենտինա Մատվիենկոն:«Կարծում եմ, որ թե՛ Հայաստանի, թե՛ Ադրբեջանի ղեկավարները պետք է հասկական հակամարտության յուրաքանչյուր էսկալացիայի, ռազմական ինչ-ինչ գործողությունների անթույլատրելիության պատասխանատվությունը»,- ասել է նա: Նրա խոսքով՝ ներկայում հարկավոր է անհապաղ կասցնել ցանկացած տեսակի կրակոցները, ուժային գործողություններն ու նստել բանակցությունների սեղանի շուրջ: Մատվիենկոն ընդգծել է, որ Ռուսաստանը շարունակելու է ջանքեր գործադրել բոլոր գերատեսչությունների գծով՝ հակամարտության հետագա սրացումը կանխելու և խաղաղ բանակցությունները վերսկսելու նպատակով: Ինչպես հիշեցրել է՝ Լեռնային Ղարաբաղում իրավիճակի կարգավորումը մշտապես գտնվել է Ռուսաստանի ղեկավարության մշտական ուշադրության կենտրոնում: Մատվիենկոն հայտարարել է, որ Ղարաբաղյան հակամարտությունը չի կարող կարգավորվել ռազմական ճանապարհով:
Հետևեք մեզ Viber-ում
