Այսօրվա Հայաստանում էլ, ցավոք, կան ապօրինություններ, բայց կառավարությունը ոչ թե դրանց հովանավորն է, այլ՝ հակառակորդը. Նիկոլ Փաշինյան

Ցավոք, այսօրվա Հայաստանում էլ կան իրավունքների ոտնահարումների, ապօրինությունների դեպքեր, բայց յուրաքանչյուր քաղաքացի պետք է 100 տոկոսով վստահ լինի, որ կառավարությունը ոչ թե դրանց հովանավորն է, այլ՝ հակառակորդը, 2008թ. Մարտի 1-ի դեպքերի առիթով այսօրվա իր ուղերձում ասաց ՀՀ վարչապետ Նիկոլ Փաշինյանը:«Յուրաքանչյուր քաղաքացի պետք է 100 տոկոսով վստահ լինի, որ կառավարությունը, վարչապետը, որևէ ապօրինության ոչ թե հովանավորն է կամ համակարգողը, այլ՝ հակառակորդը ու հակոտնյան։ Ապօրինությունների, իրավունքների ոտնահարումների, չարաշահումների դեմ պայքարում, իշխանության վերնախավի կողմից թույլ տրված հանցագործությունների բացահայտման գործում մենք հաղթելու ենք անխուսափելիորեն, որովհետև ժողովուրդն ու կառավարությունը միասնական են, իսկ այսպիսի միասնությունն անպարտելի են ու աներեր», - ասաց Նիկոլ Փաշինյանը` կոչ անելով քաղաքացիներին մասնակցել այսօր ժամը 18։30-ին Երևանի Ազատության հրապարակից դեպի Մյասնիկյանի արձան երթին։