Երևի մեր քաղաքապետը տարածքների արդյունավետ օգտագործումը «քյաշ» փողով է պատկերացնում. Արմինե Օհանյան (Հրապարակ օրաթերթ) (video)

Այսօր «Հայելի» ակումբում տեղի ունեցած մամուլի ասուլիսի ընթացքում, «Հրապարակ» օրաթերթի գլխավոր խմբագիր Արմինե Օհանյան, անդրադառնալով Երևանի քաղաքապետարանի կողմից ստացած ծանուցմանը, ըստ որի պետք է Բյուզանդի 1/3 հասցեում տեղակայված մի շարք լրատվամիջոցներ հնգօրյա ժամկետում լքեն իրենց տարածքներն, ասաց. «Եկեք հասկանանք, թե ինչ է հանրային գույքի արդյունավետ օգտագործումը, որովհետև միշտ չէ, որ օգտակարությունն ու արդյունավետությունը կարելի է արտահայտել դրամով, այսպես ասած, «քյաշ» փողով, ինչպես որ պատկերացնում է պարոն քաղաքապետը ։ Այնքան արդյունավետ, որքան որ մենք ենք օգտագործում այս տարածքները, դժվար է պատկերացնել»: Առավել մանրամասն՝ տեսանյութում.