Պետք է բացահայտվի, թե ինչ հանգամանքներում են սպանել այդ մարդկանց. Մարուքյան
Մեր կուսակցությունն, իր հինադրման օրվանից՝ մարտի 1-ի օրը մասնակցում է հարգանքի տուրք մատուցելու միջոցառմանը: Այս մասին ասաց «Լուսավոր Հայաստան» խմբակցության ղեկավար Էդմոն Մարուքյանը: Ինչպես նշեց` իրենց կուսակցության բոլոր անդամները կարող են մասնակցել երթին. «Մենք ավանդույթը պահելու ենք: Այդտեղ որևէ խնդիր չկա: Այսինքն, որևէ հատուկ բան կազմակերպելու, կոչ անելու կամ մարդ տանելու խնդիր չեմ տեսնում: Ես չեմ կարծում, որ սգո միջոցառումը պետք է հատուկ կազմակերպել. դա միջոցառում է, մարդիկ կգնան՝ կմասնակցեն»,-ասաց Մարուքյանը` փաստելով, որ տասը զոհերի գործն անպայման պետք է քննվի, բացահայտվեն սպանությունները, թե ովքեր և ինչ հանգամանքներում են սպանել այդ մարդկանց:
Հետևեք մեզ Viber-ում
