Ես արդեն ստանում եմ այդ միջազգային կազմակերպություններից ազդանշաններ. Արամ Սիմոնյանը բացում է փակագծերը
«Ես ինքնակամ հրաժարական չեմ տալու: Կարող է հոգաբարձուների խորհուրդը որոշի եւ ինձ ազատի: Այդ ժամանակ ես բնական է, կենթարկվեմ այդ որոշմանը, բայց իմ անելիքը կարող եմ անել»: Այս մասին այսօր՝ փետրվարի 28-ին, ԵՊՀ հոգաբարձուների խորհրդի նիստից հետո լրագրողների հետ զրույցում նշեց ԵՊՀ ռեկտոր Արամ Սիմոնյանը: Նիստի օրակարգում ռեկտորին անվստահություն հայտնելու հարցն էր, սակայն այն հետաձգվեց: Ինչպես ասաց` եթե այդ որոշումը լինի իր հրաժարականի հետ կապված, ապա կենթարկվի դրան: «Եթե բռնի կերպով գնալ համալսարանից միայն այն բանի համար, որ ինչ-որ մարդիկ դա ցանկանում են, սա անթույլատրելի է: Սա համալսարանական ինքնավարությանը խոշորագույն հարված է: Մեր համալսարանը եւ կոնկրետ ռեկտորը մի շարք միջազգային տարբեր կազմակերպությունների անդամ ենք: Ես արդեն ստանում եմ այդ միջազգային կազմակերպություններից ազդանշաններ»,-հայտարարեց ռեկտորը:
Հետևեք մեզ Viber-ում
