Ալիևի հետ սպասվող ՝«առանց օրակարգի» հանդիպման մասին

Հայաստանի կառավարության առաջնային խնդիրներից մեկը բանակցային գործընթացում Ղարաբաղի սուբյեկտության բարձրացումն է: Այս մասին Թեհրանում հայ համայնքի ներկայացուցիչների հետ հանդիպման ժամանակ ասել է ՀՀ վարչապետ Նիկոլ Փաշինյանը: «Ադրբեջանի նախագահի հետ առանց օրակարգի հանդիպում տեղի կունենա, սակայն հանդիպման գլխավոր ուղղությունը կլինի բանակցային ձևաչափի քննարկումը: Ձևաչափի շուրջ դեռևս համաձայնության չենք հասել: Ես խոսում եմ Հայաստանի անունից, քանի որ ես Հայաստանի վարչապետն եմ: Ես չեմ խոսում Արցախի անունից, քանի որ Արցախն իր իշխանությունն ունի: Պետք է անենք ամեն ինչ, որպեսզի Ղարաբաղը բանակցային գործընթացում սուբյեկտության նոր մակարդակ ստանա»,- ասել է վարչապետը: