Նիկոլ Փաշինյանն օտարերկրյա ներդրումների 50% աճ է ներկայացնում, սակայն ըստ ՀՀ Կենտրոնական բանկի հրապարակած տվյալների՝ ներդրումների 50% աճ չի գրանցվել։ Այս մասին գրում է fip.am-ը:
Հունվարի 20-ին վարչապետ Նիկոլ Փաշինյանն իր ֆեյսբուքյան էջում գրառում էր կատարել, ըստ որի՝ 2018 թվականի երրորդ եռամսյակում օտարերկրյա ներդրումների ծավալներն աճել են 50%-ով՝ նախորդ տարվա նույն ժամանակահատվածի համեմատ։ Նա նույն հայտարարությամբ հանդես էր եկել հունվարի 29-ին РБК հեռուստաընկերությանը տված հարցազրույցում։
Մենք փորձեցինք պարզել, թե Կենտրոնական բանկի (ԿԲ) 2018 թվականի վճարային հաշվեկշռի որ հոդվածն է նկատի ունեցել Փաշինյանը: Կառավարությունից մեր հարցմանը պատասխանեցին, որ վարչապետը նկատի է ունեցել «զուտ պարտավորություններ» հոդվածի 50% աճը:
«Զուտ պարտավորությունը» վճարային հաշվեկշռի «ուղղակի ներդրումներ» տողի հոդվածներից մեկն է, որը ցույց է տալիս, թե ինչքան պարտավորություն է ստանձնել կառավարությունը կամ ԿԲ-ն ներդրողների առջև: Հետևաբար, այն չի արտացոլում ողջ ներդրումների իրական պատկերը։
Գործնականում ներդրումների արդյունավետությունը գնահատելու համար անհրաժեշտ է ոչ միայն ներհոսքը դիտարկել, այլ զուտ հոսքը, այսինքն՝ ներհոսքի և արտահոսքի տարբերությունը, որն արտացոլված է «ուղղակի ներդրումներ» տողում և որը տևական ժամանակ է, ինչ բացասական է: Հետևաբար, մեր երկրից դուրս եկող ֆինանսական միջոցները գերազանցում են երկիր մտնող ֆինանսական միջոցներին:
Միաժամանակ, հարկ է նշել, որ զուտ պարտավորություն համարվող միջոցներից շատ քչերը կարող են ուղղվել տնտեսության իրական հատված և ստեղծել իրական արժեք: Զուտ պարտավորությունը հիմնականում պարտքի կոնտեքստում պետք է դիտարկել: Այս դեպքում պարտավորության աճը ներկայացնել որպես ներդրում ո՛չ հիմնավոր է և ո՛չ էլ փաստարկված:
Ի հավելումն նշենք, որ ներդրումները լինում են ուղղակի, պորտֆելային և այլ ներդրումներ (վերջինում ներառվում են վարկերը և փոխառությունները, ապրանքների և ծառայությունների դիմաց վճարվելիք/ստացվելիք գումարները, ստացված/տրված կանխավճարները): Նշված 3 տեսակները միասին կազմում են «ընդամենը ներդրումները»:
Պետք է նկատի ունենալ նաև, որ տնտեսագիտության մեջ ընդունված է ներդրումները համեմատել տարեկան սկզբունքով և ոչ եռամսյակային:
Հավելենք նաև, որ ներդրումների աճի մասին նույն պնդումը կրկնել էր նաև ԱԺ փոխխոսնակ Լենա Նազարյանը:
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հունվարի 29-ին՝ ժամը 11։00-ին, Հայելի ակումբի հյուրն է ՀՀ ԶՈՒ պահեստազորի փոխգնդապետ Տիգրան Չոբանյանը
ԶԼՄ-ներին և «Իմնեմնիմի»-ի աջակիցներին հունվարի 29-ին` ժամը 16:00-ին հրավիրում ենք աջակցելու, Երևան քաղաքի քրեական դատարանի Ավանի նստավայրում (հասցե՝ Գյուլիքևխվյան 20), ապօրինի կալանավորված Նարեկ Սամսոնյանին և Վազգեն Սաղաթելյանին
Հունվարի 28-ին՝ ժամը 15։30-ին, Հայելի ակումբի հյուրն է Նարե Սոսեն
Հունվարի 28-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը
Հետևեք մեզ Viber-ում
