Ազգային ժողովը փակ քննարկում կհրավիրի. կմասնակցեն նաեւ ՊՆ-ից եւ ԱԳՆ-ից
ԱԺ-ում այսօր ՀԱԿ խմբակցության ղեկավար Լեւոն Զուրաբյանը հայտարարեց, որ անկախ իշխանությունների հետ եղած հակասություններից՝ սպառնացող ագրեսիայի դեպքում բոլորս պետք է միավորվենք ադրբեջանական ագրեսիան հետ մղելու գործում: Ապա՝ նա հնչեցրեց ՀՀ առաջին նախագահ, հակ առաջնորդ Լեւոն Տեր-Պետրոսյանի խոսքերն այն մասին, որ Ադրբեջանը պետք է հասկանա՝ ինչպիսն էլ լինի ՀՀ ներքաղաքական վիճակը, ԼՂՀ նկատմամբ ցանկացած ոտնձգության դեպքում հայ ժողովուրդը միահամուռ ջանքերով այն ետ կմղի, եւ ինքը կոչով կդիմի համաժողովրդական շարժման մասնակիցներին՝ ժամանակավորապես դադարեցնել բոլոր գործողություններն ու լծվել հայրենիքի պաշտպանությանը: Անկախ իշխանությունների հետ եղած հակասություններից՝ սպառնացող ագրեսիայի դեպքում բոլորս պետք է միավորվենք ադրբեջանական ագրեսիան հետ մղելու գործում: Այս մասին այսօր՝ ապրիլի 4-ին, խորհրդարանում ասաց ԱԺ ՀԱԿ խմբակցության ղեկավար Լեւոն Զուրաբյանը: «Մենք առաջարկում ենք, որ ավելի հարմար պահին հրավիրվի փակ նիստ, որում գործադիր մարմնի ներկայացուցիչները կհաղորդեն տվյալներ: Կարծում եմ՝ նիստի ընթացքում մենք առավել խորը կվերլուծենք իրավիճակն ու կփորձենք գտնել այս վիճակից դուրս գալու ելքեր»,- ասաց Լեւոն Զուրաբյանը: ԱԺ ԲՀԿ խմբակցության ղեկավար Նաիրա Զոհրաբյանը հայտնեց, որ իրենք նույնպես կողմնակից են Զուրաբյանի առաջարկին: ԱԺ փոխնախագահ Էդուարդ Շարմազանովն էլ հայտարարեց, որ իրենք նույնպես համամիտ են այդ առաջարկին եւ մոտակա օրերին փակ քննարկում կհրավիրվի, որտեղ կմասնակցեն Պաշտպանության նախարարության եւ Արտաքին գործերի նախարարության պատասխանատուների հետ:
Հետևեք մեզ Viber-ում
