«Կանաչ գիրքը» «Օսկար» ստացավ «Լավագույն ֆիլմ» անվանակարգում
Կինոարվեստների ամերիկյան ակադեմիայի պարգեւների հանձնման 91-րդ «Օսկար» մրցանակաբշխությանը, ռեժիսոր Փիթեր Ֆարելիի «Կանաչ գիրք» կինոնկարը «Օսկար» մրցանակ է ստացել «Լավագույն ֆիլմ» անվանակարգում: Ֆիլմը պատմում է 1962 թվականին ԱՄՆ-ում ջազային դաշնակահար Դոն Շիռլիի եւ նրա վարորդի ու թիկնապահի իրական ճանապարհորդության մասին: Ճանապարհին նրանք օգտվում են «Կանաչ գիրք» տեղեկատուից, որտեղ մատնանշված են անվտանգ վայրերն աֆրոամերիկացիների համար: «Լավագույն ֆիլմ» անվանակարգում «Օսկար»-ի էին հավակնում նաեւ Յորգոս Լանտիմոսի «Ֆավորտուհին», Ալֆոնսո Քուարոնի «Ռոմա», Բրայան Սինգերի «Բոհեմյան ռապսոդիա», Բրեդլի Քուպերի «Աստղը ծնվեց», Սփայք Լիի «Սեւ կլանայինը», Ադամ Մաքքեյի «Իշխանություն» եւ Ռայան Քուգլերի «Սեւ հովազ» կինոնկարները, հաղորդել է ՏԱՍՍ-ը:
Հետևեք մեզ Viber-ում
