Ինչ կարևոր ծրագրի մասին է հայտնում Արայիկ Հարությունյանը
Այսօր «Քաղաքացական պայմանագիր» կուսակցության 4-րդ համաժողովն էր: Այս մասին Facebook-ի իր էջում գրել է ՀՀ Կրթության և գիտության նախարար Արայիկ Հարությունյանը։ «2013-ին ընդունված մեր ծրագրի մի կարևոր հատվածն իրագործվել է, քննարկում էինք նոր ծրագրի մշակման հարցը: Հատված՝ ՔՊ ծրագրից, որը մշտապես մեզ ուղեկցելու է. «Կուսակցության անդամները ընդունում են, որ անհատի վերափոխումը հանրային վերափոխման կարևորագույն գործոն է, Կուսակցությանն իրենց անդամագրվելու պահը համարում են մի զրոյական-հաշվարկային կետ, որից յուրաքանչյուրն սկսում է հանրային վերափոխման գործընթաց, այդ նպատակին միտված կարևորագույն անելիքներից մեկը համարելով սեփական անձի վերափոխումը: Կուսակցությանն անդամագրվելն ինքնահայեցման, հանրային և սեփական-անհատական արատների պատճառահետևանքային կապը դիտարկելու, սեփական-անհատական արատները զննելու և դրանցից ձերբազատվելու, հանրային արատները արմատախիլ անելու համար համատեղ պայքարելու պատրաստակամություն է: Կուսակցության անդամը սեփական անձի զարգացումը՝ հմտությունների, գիտելիքների, իմացության ձեռքբերումն ու կատարելագործումը դիտարկում է իբրև հանրային բարեփոխումների, զարգացման կարևորագույն բաղադրիչ»»:
Հետևեք մեզ Viber-ում
