Շահաբաժին եւ պարտատոմսեր՝ «Իմքայլական» Նարեկ Զեյնալյանի հայտարարագիրը

«Փաստ» թերթը գրում է. «ԱԺ «Իմ քայլը» խմբակցության պատգամավոր Նարեկ Զեյնալյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2019թ. պաշտոնը ստանձնելու հայտարարագիրը: Ներկայացված փաստաթղթից տեղեկանում ենք, որ Ն. Զեյնալյանը հայտարարագրել է երկու բնակարան, ինչպես նաեւ առանձնատուն: Հայտարարագրել է նաեւ «MERCEDES– BENZ GL450 4 MATIC» մակնիշի ավտոմեքենա: Պաշտոնատար անձի արժեթղթերը եւ այլ ներդրումները ենթաբաժնում նշված է պարտատոմսերի մասին, որոնք պաշտոնը ստանձնելու օրվա դրությամբ կազմել են 8150000 ՀՀ դրամ եւ 36800 ԱՄՆ դոլար: Նույն ժամանակահատվածում նրա դրամական միջոցները կազմել են 3 500 000 ՀՀ դրամ եւ 10 000 ԱՄՆ դոլար: Պաշտոնական պարտականությունները ստանձնելու տարվա հունվարի 1–ից մինչեւ պաշտոնական պարտականությունները ստանձնելու օրը ՀՀ դրամով ստացված եկամուտների հանրագումարը կազմել է 1 414 000 ՀՀ դրամ: Նշված թվից 67 000 ՀՀ դրամը գոյացել է աշխատավարձից, իսկ 1 347 000 ՀՀ դրամը շահաբաժին է: Արտարժույթով ստացած եկամուտը կազմել է 3105 ԱՄՆ դոլար, որը եւս շահաբաժին է: Նարեկ Զեյնալ յանը մանակբույժ է, բժիշկ–էնդոսկոպիստ, բժշկական գիտությունների թեկնածու: Նա Ազգային ժողովի առողջապահության եւ սոցիալական հարցերի մշտական հանձնաժողովի նախագահն է»: Առավել մանրամասն՝ թերթի այսօրվա համարում