Ես ինքս համտեսում եմ քրեակատարողական հիմնարկների սնունդը. Զեյնալյան

16:10 - 22/փետրվարի/2019

ԱԺ մարդու իրավունքների հարցերի մշտական հանձնաժողովում քննարկման ժամանակ Արդարադատության նախարար Արտակ Զեյնալյանը հայտարարեց ,որ քրեակատարողական համակարգը, ծառայությունը, հիմնարկը ինչ-ինչ վերանորոգումներ իրականացնելու համար կարիք է ունեցել միջոցների, դա հանձնարարվել է որևէ հեղինակության, իսկ վերջիններս իրենց կապերի միջոցով հավաքագրել են դրանք, ինչի արդյունքում ստեղծվել է հիեարխիկ համակարգը:

«ՔԿՀ-ներում վերոնշյալ մարդկանց ազդեցությունը էապես նվազել է :Մենք վերացրել ենք ներսում գումարի շրջանառությունը, խաղերը: Իհարկե կարող են լինել խաղեր, որի համար կարող է տարբեր հանձնարարականների միջոցով վճարումներ իրականացվեն դրսում, բայց դա արդեն մեր տիրույթից դուրս է»,ասաց նախարարը:

«Վաղուց մշակվել է և շրջանառութւյան մեջ դրվել վերոնշյալ հանցավոր մշակույթը քրեականացնող օրենքի նախագծերը: Նախատեսում ենք քրեական մշակույթի դեմ պայքարել, որը հաջողություն է ունեցել Վրաստանում և մի շարք այլ երկրներում»,-հավելեց Զեյնալյանը:

Այս պահի դրությամբ հայաստանում 2266 կալանավոր և դատապարտյալ կա: Նրանցից 963-ը կալանավոր են, 1303 դատապարտյալ,տեղեկացրեց Արդարադատության նախարարը: Նախարարը նաև հայտնեց, որ այս պահի դրությամբ հացադուլ է իրականացնում 10 դատապարտյալ՝ 2-ը՝ «Արմավիր» ՔԿՀ-ում, 1-ը՝ «Վանաձոր», 1-ը՝ «Արթիկ», 6-ը «Նուբարաշեն» ՔԿՀ-ում:

Նախարարի խոսքերով, այսօրվա դրությամբ բացահայտվել է 27 ծակող-կտրող գործիք, որևէ ոգելից խմիչք չի հայտնաբերվել: Հայտնաբերվել են բջջային հեռախոսներ: Քաղաքացիական հիվանդանոցներում բուժվողների քանակը 8 է:

Համաներման նպատակը եղել է այն, ինչը արձանագրվել է դրա նախաբանում, այն նպատակ չի ունեցել բեռնաթափել քրեակատարողական հիմնարակները: Զեյնալյանը նաև հավաստիացրեց, որ ՔԿՀ-ներում խիստ պակասել են հանձնուքների քանակը, սնունդը բարելավվել է. «Ես ինք համտեսում եմ սնունդը, երբ այցելում եմ ՔԿՀ-ներ՝ հասկանալու համար դրա որակը»: