ԱԺ նախկին պատգամավոր Մելիք Մանուկյանի ունեցվածքը. ՀԺ

Հայկական ժամանակը գրում է. ՀՀ  6-րդ գումարման Ազգային ժողովի «Ծառուկյան» խմբակցության պատգամավոր Մելիք Մանուկյանը (Շշի Մելո) պատգամավորի պարտականությունները դադարեցնելուց (14.01.2019) հետո բարձրաստիճան պաշտոնատար անձանց էթիկայի հանձնաժողով է ներկայացրել իր գույքի եւ եկամուտների հայտարարագիրը: Որպես անշարժ գույք Մանուկյանը հայտարարագրել է 2 հողամաս, 2 հասարակական նշանակության շինություն եւ 2 առանձնատուն: Որպես շարժական գույք նախկին պատգամավորը հայտարարագրել է «FORD FIESTA 1.4» մակնիշի ավտոմեքենա: Որպես արժեթղթեր Մանուկյանը պաշտոնը դադարեցնելու օրվա դրությամբ հայտարարագրել է 3 տարբեր չափերի բաժնեմասեր` 76 մլն 595 հազար դրամի, 70 մլն 270 հազար դրամի եւ 5 մլն 100 հազար դրամի չափերով: Պաշտոնը դադարեցնելու օրվա դրությամբ Մանուկյանն ունեցել է հանձնած 2 փոխառություններ 579 մլն 517 հազար դրամի եւ 710 մլն 100 հազար դրամի չափերով: Պաշտոնական պարտականությունները դադարեցնելու օրվա դրությամբ Մանուկյանն ունեցել է 262 մլն դրամ: Այս տարվա հունվարի 1-ից մինչ պաշտոնը դադարեցնելու օրը, Մանուկյանն ունեցել է 118 հազար 550 դրամ եկամուտ, որը գոյացել է աշխատավարձից: