Հայի սպանությունն Ադրբեջանում չի համարվում հանցագործություն.Ալիևի քաղաքականության մարմնավորումը սա է. Մարինա Գրիգորյան (video)

Փաստաբան Նազելի Վարդանյանի խոսքով՝ 15 տարի առաջ ՆԱՏՕ-ի ուսումնական ծրագրին մասնակցող ՀՀ ԶՈՒ սպա Գուրգեն Մարգարյանը Ռամիլ Սաֆարովի կողմից սպանվել է պետական հրամանով. «Երբ Սաֆարովին դատավարության ժամանակ հարցրեցին, թե կացինով որտեղ է սպանել սովորել, ասաց՝ Հյուսիսային Կիպրոսում: Սաֆարովը հեռանկարային զինվորական էր և շատ լավ գիտակցում էր, որ իր արածի համար նա պատժվելու է: Եթե նա համոզված չլիներ, որ Ադրբեջանն իր մեջքին կանգնած է, նա նման քայլի չէր գնա»: «Սովորական ցեղասպանություն» նախագծի ղեկավար Մարինա Գրիգորյանը 2004թ.-ին Բուդապեշտում կայացած դատավարության ներկա է եղել նախ՝ որպես ՄԻՊ-ի ներկայացուցիչ, այնուհետև որպես լրագրող. «Գուրգեն Մարգարյանի սպանությունից 3,5 ամիս առաջ Իլհամ Ալիևը եկել էր իշխանության: Բոլորին հայտնի էր, թե նա ինչ մտադրությամբ է եկել իշխանություն և ինչպիսի քաղաքականություն է վարելու՝ որպես նախագահ»: Մարինա Գրիգորյանը նշեց, որ Գուրգեն Մարգարյանի սպանությունը մեսսիջ էր, որը վկայում էր, որ Իլհամ Ալիևի մտադրությունը հայատյատությունը դարձնել Ադրբեջանի պետական քաղաքականության մաս: Առավել մանրամասն՝ տեսանյութում.