Ի՞նչ ունեցվածք ունի Ռաֆիկ Մաշադյանը

Zham.am-ը ներկայացնում է ՀՀ պետական եկամուտների կոմիտեի նախագահի առաջին տեղակալ Ռաֆիկ Մաշադյանի ունեցվածքը՝ ըստ բարձրաստիճան պաշտոնատար անձանց էթիկայի հանձնաժողով ներկայացրած հայտարարագրի: 2017 թվականի  ՊԵԿ Կազմակերպման և հսկողության վարչության պետի պաշտոնի ստանձման հայտարարագրում Մաշադյանը գրանցել է 1 առանձնատուն, 1 բնակարան և 2 հողակտոր: Որպես շարժական գույք՝  գրանցված է MERCEDES-BENZ ML մոդելի ավտոմեքենա: Մաշադյանը գրանցել է 27 500 դրամ բաժնետոմս: Մաշադյանի դրամական միջոցները կազմել են՝ 4 մլն 100 հազար դրամ, 105 հազար դոլար: Ռաֆիկ Մաշադյանը ստացել է 4 մլն 239 հազար 846 դրամ եկամուտ, որը գոյացել է աշխատանքի վարձատրությունից: 2017 թվականի տարեկան հայտարարագրում, որի ժամանակ Մաշադյանը զբաղեցնում էր ՊԵԿ Փոքր հարկ վճարողների հարկային տեսչություն-վարչության պետի պաշտոնը, գրանցված են միայն դրամական միջոցներ և եկամուտներ: Մաշադյանի եկամուտները կազմել են 10 մլն 97 հազար 440 դրամ, որը գոյացել է աշխատանքի վարձատրությունից: Դրամական միջոցները հարկային տարվա սկզբին կազմել են՝ 105 հազար դոլար, 4 մլն 100 հազար դրամ: Հարկային տարվա ավարտին Մաշադյանի դրամական միջոցները համապատասխանաբար դարձել են՝ 85 հազար դոլար, 5 մլն դրամ: Մաշադյանի կնոջ՝ Արինա Մաշադյանի ներկայացված հայտարարագրում գրանցված է 35 հազար դոլար դրամական միջոց: