Սաակաշվիլին ԴՆԹ թեստ է հանձնել և հայտարարել, որ...

«Новости-Грузия»-ի փոխանցմամբ, Վրաստանի նախկին նախագահ Միխաեիլ Սաակաշվիլին հայտարարել է, որ Միացյալ Նահանգներում ԴՆԹ թեստ է հանձնել և պարզել,որ  ինքը «գրեթե 99 տոկոսով վրացի է»: «Պարզել եմ, որ  մոտ 99 տոկոսով վրացի եմ, իսկ 1 տոկոսով հույն: Այս թեստը հստակ որոշում է նախնիներիդ ծագումը` առնվազն վերջին հազարամյակում: Չի հայտնաբերվել որևէ կապ տարածաշրջանի այլ ազգերի հետ Այդ  ուսումնասիրությանը համապատասխան՝ Իրանը և Թուրքիան կապված են Վրաստանի հետ, քանի որ այդ երկրներում պատմականորեն վրացիները շատ են: Պարզվել է, որ  դարեր շարունակ իմ նախնիներն ընդհանրապես չեն խառնել վրացական արյունը որևէ մեկի հետ, և ես առաջինն եմ եղել, ով խախտել է այդ ավանդույթը՝ ամուսնանալով եվրոպացու հետ:Հարգում եմ  բոլոր հարևաններին, և, իհարկե, սիրում  եմ Վրաստանի հայրենասերներին, որոնք ներկայացնում են բոլոր էթնիկ խմբերը », - գրել է Մ. Սաակաշվիլին Facebook-ում: Նա կոչ է արել այժմ այս թեստը հանձնել բոլոր նրանց, ովքեր մշտապես իրեն այլ էթնիկ պատկանելություն են վերագրել: Սաակաշվիլիի ազգային պատկանելիության թեման նախագահության տարիներին միշտ տարածված է եղել: ԶԼՄ-ներում հնչեցրել է այն ենթադրությունը, որ Վրաստանի երրորդ նախագահը հայ է: Դեղին մամուլը չի բացառում, որ Սաակաշվիլին կարող է լինել հրեա կամ ադրբեջանցի: