Այո, նման խոսակցություն եղել է. Արծրուն Հովհաննիսյանը մեկնաբանել է Տոնոյանի` ռուսական նոր վարկի մասին հայտարարությունը

Հայաստանը կարող է Ռուսաստանից նոր ռազմական վարկ ստանալ, երբ ավարտվի ընթացիկ` 100 մլն դոլարի համաձայնագրի ժամկետը: Այդ մասին, ըստ որոշ ռուսական ԶԼՄ-ների, РИА Новости-ին ասել է ՀՀ ՊՆ ղեկավար Դավիթ Տոնոյանը IDEX-2019 ցուցահանդեսի ժամանակ: «Դա հնարավոր է: Հստակ զենքային անվանացուցակի մասին ներկայումս խոսել վաղ է»,- ասել է նա IDEX-2019 ցուցահանդեսի ժամանակ: Սակայն հետաքրքրական է, որ տվյալ տեղեկությունը սկզբնաղբյուրում` РИА Новости-ում, մենք չտեսանք: ՀՀ ՊՆ մամուլի խոսնակ Արծրուն Հովհաննիսյանը Yerkir.am-ի հետ զրույցում նշեց, որ ՀՀ ՊՆ ղեկավար Դավիթ Տոնյանը երեկ Աբու Դաբիում պատասխանել է  РИА Новости-ի մի քանի հարցի, և նման խոսակցություն եղել է: «Ընդհանուր առմամբ, այո, նման խոսակցություն եղել է»,-ասաց ՀՀ ՊՆ մամուլի խոսնակը: