Է՞ս ա նոր Հայաստանը, տեղ ենք հասել, իջեք. Էդմոն Մարուքյան
ԼՀԿ-ն չի պատրաստվում կողմ քվեարկել կառավարության բերած բոլոր նախագծերին միայն նրա համար, որ իրենց մեր իշխանական լրատվամիջոցները չկապեն Ռոբերտ Քոչարյանի կամ Սերժ Սարգսյանի հետ,նման հայտարարություն ԱԺ ճեպազրույցների ժամանակ արեց ԼՀԿ ղեկավար Էդմոն Մարուքյանը: Մարուքյանն ընդգծեց, որ կառավարության ծրագրին դեմ քվերակելուց հետո «Հայկական ժամանակ» օրաթերթը անանուն խմբագրական է հրապարակել՝ գրելով, որ ընդդիմությունը պատռել է իր դիմակը, իսկ «Ժողովուրդ» օրաթերթ էլ մեկ այլ ծայրահեղության մեջ է ու պնդում է, որ ԼՀԿ-ն հանդիպում է նախագահ Սարգսյանի հետ՝ խնդրելով հովանավորել իրենց: «Եթե «Հայկական ժամանակը» տենց բան է գրում, հետո ֆեյսբուքյան օգտատերերից ի՞նչի նեղանամ, որ քրֆում են: Այսինքն, ինչ նախագիծ բերեն, պետք է վախից կո՞ղմ քվեարկենք, որ չասեն Ռոբերտ Քոչարանն ու Սրեժ Սարգսյանն են մեր հետևում: է՞ս ա նոր Հայաստանը, տեղ են հասել, իջեք: Ցավում եմ, որ երբեմնի իմ ընթերցած թերթը մի հատ առաջին կառավարություն-ընդդիմություն բախումից հետո նման խմբագրական է հրապարակում»,ասաց նա:
Հետևեք մեզ Viber-ում
