Բաց նամակ ԿԳ նախարարին եւ Հանրային հեռուստաընկերության ղեկավարությանը. ստորագրահավաք

ՀՀ քաղաքացիները բաց նամակ են ուղղել Կրթության և գիտության նախարարին, Հանրային հեռուստաընկերության տնօրինությանը Ներկայացնում ենք ստորև. Օրերս Հանրայի Հեռուստաընկերության եթերով հեռարձակվեց լրատվական ռեպորտաժ https://www.youtube.com/watch? v=QmOB3EVIVok&feature=youtu.be&fbclid=IwAR0XtmZG89mEDZsNM3HMQ3fm_NAyjUTHMKbJl5Z955F0xov6oGx5aJ22a5Y որը չնայած իր վերնագրին՝ «Նուրբթեմա. հոգևորականները՝ դպրոցում», բավական կոպիտ և միակողմանի անդրադարձ էր այդ իրապես նուրբ թեմային: Ոչ միայն միակողմանի բացասական տեսակետներ ներկայացվեցին, այլև ծաղրվեց «Հայր մեր» աղոթքը՝ հուշարձանագետի կողմից: ՀՀ քաղաքացիների միջոցներով սնվող Հանրային հեռուստաընկերությունը ոչ միայն չշտապեց ներողություն խնդրել հարյուրհազարավոր քաղաքացիների կրոնական զգացմունքները վիրավորող այդ թողարկման համար, այլև դրանից մի քանի օր անց եթեր հեռարձակեց մեկ այլ նմանատիպ վիրավորանքներով լեցուն հաղորդում՝ https://www.youtube.com/watch?v=JNcZ2vgo2d8 որտեղ թեմայի շուրջ հրավիրված հյուրերից երկուսը՝ պատմության ուսուցիչ Վահրամ Թոքմաջյանը և իրավապաշտպան Ավետիք Իշխանյանը, իրենց պահվածքով ոչ միայն վիրավորեցին մյուս հյուրերին, որոնցից մեկը Հայր Զաքարիա վարդապետ Բաղումյանն էր, այլև ամբողջ հաղորդման ընթացքում ուսուցչին և իրավապաշտպանին, և ընդհանրապես քաղաքակիրթ մարդուն ոչ հարիր վարք դրսևորեցին՝ իրենց դիլետանտ և մասնավոր որակումներով վիրավորելով ՀՀ քաղաքացիների կրոնական և ազգային զգացմունքները, ինչը այլ կերպ հնարավոր չէ որակել, քան ատելության և անհանդուրժողականության քարոզ: Եթե Հանրային հեռուստաընկերության ղեկավարությունը հրապարակայնորեն ներողություն չխնդրի նման հաղորդումներ հեռարձակելու համար և չպատժի մեղավորներին, և եթե ՀՀ կրթության և գիտության նախարարը չանդրադառնա Վահրամ Թոքմաջյանի դպրոցում այսուհետ աշխատելու նպատակահարմարության հարցին (ի դեպ, մենք ստույգ տեղեկությունների ենք տիրապետում, որ այդ անձը «Պատմություն» առարկայի շրջանակներում ոչ միայն աշակերտների մեջ ատելության և աղավաղված գիտելիքի շարունակական քարոզ է անում քրիստոնեության և եկեղեցու վերաբերյալ, այլև դիմում է ծեծի, ինչն ինքն էլ է խոստովանել մասնավոր զրույցներից մեկի ժամանակ, իսկ վերջերս այդ անձի կողմից դպրոցից քահանային վռնդելու փաստին անդրադարձան լրատվամիջոցները), ապա մենք լուրջ հիմքեր կունենանք մտածելու, որ այս ամբողջ իրողությունները փոխկապակցված են և ուղղորդված՝ գործող իշխանությունների կողմից, ինչն էլ իր հերթին կենթադրի մեր կողմից քաղաքացիական ընդվզում և քաղաքացիական իրավունքի իրացում՝ տարբեր ձևաչափերով: