Պարո՛ն վարչապետ, բացատրություն կպահանջե՞ք Լենա Նազարյանից՝ ինչո՞ւ է միացել հակապետական կոչին. Արշակ Զաքարյան (տեսանյութ)
«Այսօր հերթական շրջայցն էի անում ֆեյսբուքում ու աչքս ընկավ հայտնի ֆեմինիստ Աննա Նիկողոսյանի գրառումը , որտեղ գրված է «Ոչ պետությանը, Ոչ սահմաններին, Ոչ հայրշխանությանը, Ոչ տերերին»: Եվ ես տեսա, որ, ցավոք 37 հոգի կա ֆեյսբուքի հայության մեջ, որոնք նման հակապետական, հակազգային կոչին արձագանքել են», - գրում է կինոռեժիսոր, սցենարիստ Արշակ Զաքարյանը:
Սակայն Արշակ Զաքարյանին առավել զարմացրել է այն հանգամանքը, որ ֆեմինիստի գրառմանը հավանություն տվողների ցանկում կարդացել է Լենա Նազարյանի՝ Ազգային ժողովի ներկայիս փոխնախագահի անունը:
«Հույս ունեի, կստուգեմ ու կտեսնեմ, որ սխալվում եմ, և չի կարող պատահել, որ պետության օրեռնսդիր մարմնի ղեկավարը լինի նման ազգադավ կոչը հավանողների մեջ: Ցավոք, պարզվեց, որր Նազարյանը իր հավանության նշան է դրել այդ հակապետական, հակազգային կոչի տակ: Ու սա տարբեր հարցեր առաջացրեց իմ մեջ»:
Զաքարյանը հիշեցնում է, որ. «Վերջերս վարչապետի խորհրդական Սրբուհի Ղազարյանը, որն ընդամենն արտահայտվել էր ու իրականությունն էր ասել երկրի առաջին նախագահ Լևոր Տեր- Պետրոսյանի մասին, ՀՀՇ կարկառուն դեմքերից մեկը, որը նաև այսօր վարչապետի խոսնակն է՝ Վլադիմիր Կարապետյանը, գրել էր, որ վարչապետը Սրբուհի Ղազարյանից բացատրություն է պահանջել, թե ինչո՞ւ է այդպես արտահայտվել: Արդյոք, վարչապետը բացատրություն կպահանաջի՞ Լենա Նազարյանից, թե ինչպե՞ս է «Քաղաքացիական պայմանագրի. կարկառուն դեմքը Աժ խոսնակը հավանություն տալիս Ոչ պետությանը ոչ սահմաներին հակապետական կոչին»:
Զաքարյանը, միաժամանակ, հիշեցնում է, որ այդ կոչին հավանության արժանացրածների շարքում է իշխանական կուսակցության՝ ՔՊ-ի հոգեբարձուների խորհրդրի անդամ Լառա Ահարոնյանը:
Մանրամասները՝ տեսանյութում:
Հետևեք մեզ Viber-ում
