Իմ քայլը խմբակցությունում կան Սերժ Սարգսյանի երրորդ ժամկետին կողմ քվեարկած մարդիկ. Անի Սամսոնյան
ԱԺ Լուսավոր Հայաստան խմբակցության պատգամավոր Անի Սամսոնյանը ֆեյսբուքյան իր էջում գրում է. «Մենք կարող ենք Իմ քայլին երեք ամիսը մեկ հիշեցնել, որ իրենց խմբակցությունում կան Սերժ Սարգսյանի երրորդ ժամկետին կողմ քվեարկած մարդիկ, որ կառավարությունում կան Սերժ Սարգսյանի հրահանգներով հլու հնազանդ աշխատող մարդիկ, ովքեր տաք տեղավորվեցին հեղափոխության ծոցում և հիմա նոր Հայաստանի դրոշակակիրներ են։ Բայց... մենք քաղաքական գործիչներ ենք և չունենք համարժեք մակարդակը դատարկաբանությամբ զբաղվելու համար։ Ի պատասխան՝ մենք ձեզ երեք ամիսը մեկը կհիշեցնենք տնտեսական աղքատությունը մարդկանց գլուխներից հանելու ձեր գործադրած ջանքերի մասին։ Հ. Գ. Հաղթահարեք Ձեր մեջ քաղաքական անչափահասությունը, նոր մարդկանց գլուխներից հանեք տնտեսական աղքատությունը»։ Սամսոնյանն այսպես արձագանքել է Իմ քայլը խմբակցության պատգամավոր Էդգար Առաքելյանի հայտարարությանը, ով նշել էր, որ 3 ամիսը մեկ Էդմոն Մարուքյանին պրոֆիլակտիկ հիշեցնելու են այն գործողությունները, որ նրանք արել են հեղափոխության օրերին:
Հետևեք մեզ Viber-ում
