Լարված իրավիճակ. Արշալույսում շարունակում են պահանջել գյուղապետի հրաժարականը

Ինչպես ավելի վաղ հայտնել էինք, Արմավիրի մարզի Արշալույս գյուղի բնակիչները բողոքում են համայնքի ղեկավար Զարզանդ Գրիգորյանի դեմ և պահանջում նրա հրաժարականը: Այսօր առավոտից բողոքի ակցիան կրկին վերսկվել է. այս պահին ակցիային մոտ 200 մարդ է մասնակցում: Գրում է Shantnews.am-ը: կցիայի մասնակիցներից Արմեն Շահբազյանը նշեց, որ արդեն 16-17 օր է, ինչ Զարզանդ Գրիգորյանը չի գալիս աշխատանքի. «Խնդրում, պահանջում ենք, թե արի´, ժողովրդի հարցերին պատասխանի´ր, գալիս են պատգամավորներ: Ինքը խուսափում է գալ, իր ներկայացուցիչներից ոչ ոք հանդիպման չի գալիս: Գալիս են գյուղապետարանից մարդիկ, բայց մենք ուզում ենք, որ գյուղապետը գա գործի: Մեր պահանջը հրաժարականն է, գյուղը բաժանել է 2 մասի՝ իր կողմնակիցները, և ով չի ուզում իր աշխատանքը: Մենք գյուղին հետ կապված շատ հարցեր ունենք իր հետ, ուզում ենք, որ ինքը գա, մեր հարցերին պատասխանի, սակայն խուսափում է»: Մանրամասն՝ սկզբնաղբյուր կայքում: