Նոր խնդիրներ Փաշինյանի համար

Կառավարության այսօրվա նիստի ժամանակ վարչապետ Նիկոլ Փաշինյանը հայտարարեց, որ այսօր հանցավորության մակարդակի առումով որոշակի խնդիրներ կան «Ունենք էդպիսի տրամաբանություն, երբ համաներմամբ ազատ արձակված անձինք նորից ձերբակալվում են, բռնվում են նույնատիպ հանցանք կատարելու համար: Այս ոլորտում համահարթեցնող գործողություններ չպետք է արվեն․ այն խնդիրը, որ լուծվում է համաներմամբ, պետք է լուծվի պայմանական վաղակետ ազատ արձակման մեխանիզմը գործարկելու միջոցով։ Որովհետև էս համահարթեցնող տրամաբանությունը վերաբերում է կամ բոլորին, կամ խմբերին, առանց անհատականացման։ Իսկ պայմանական վաղակետ ազատման մեխանիզմն ինքը շատ կոնկրետ, գործ ունես կոնկրետ մարդու հետ, և հնարավորություն կա գնահատելու կոնկրետ մարդու հնարավոր վարքագիծն ազատության մեջ հայտնվելուց հետո, և դա դարձնում է որոշումներն առավել հասցեական և առավել գիտակցված», – ասաց վարչապետը։