«Գործ ունենք բացառիկ ստախոսի հետ. նրա ճակատին գրված է՝ ստախոս». Հայրիկյանը՝ Փաշինյանին

Այսօր Հայելի ակումբում ԱԻՄ առաջնորդ Պարույր Հայրիկյանը, խոսելով կառավարության ծրագրի մասին, նշեց, որ իրեն համար զարմանալի է, որ ՀՀ կառավարության ծրագրում խոսք անգամ չկա այն մասին, որ Արցախը պետք է դառնա բանակցությունների մասնակից, որի մասին մշտապես ասել է ՀՀ վարչապետ Նիկոլ Փաշինյանը։ «Հայտարարվում էր, որ Արցախի մասնակցությունը բանակցային գործընթացին ՀՀ կառավարության առաջնահերթություններից մեկն է, սակայն այդ ուղղությամբ մենք չտեսանք գործնական քայլեր։ Անկեղծ լինելու համար պետք է ասեմ, որ նրա գրածները վերլուծելու մեջ որևէ առողջ բան չեմ տեսնում։ Մենք գիտենք, որ այսօրվա հեղափոխականների կառավարությունը ստախոսների կառավարություն է, ընդ որում, նրանք ամենակարևոր հարցերում են ստախոս: Այժմ ինձ ի՞նչը պետք է ստիպի հավատալու ստախոսի հերթական հայտարարությանը, նրա ճակատին գրված է՝ ստախոս, որը Սերժ Սարգսյանին մեղադրում էր ԵԱՏՄ-ին անդամակցելու համար և պահանջում, որ պետք է դուրս գա։ Բայց այսօր եկել է իշխանության ու ոչինչ չի անում, այսինքն՝ ուրիշից պահանջում էր անելու մի բան, որն ինքը չի անում։ Թող չասեն, որ իրավիճակ է փոխվել, սրանք իրավիճակ չեն փոխել, այլ ուրիշի փոխած իրավիճակին են հարմարվել: Գործ ունենք բացառիկ ստախոսի հետ»,- ասաց Պարույր Հայրիկյանը։