Ծայրահեղ աղքատ չի լինելու, դառնալու է ի՞նչ, աղքա՞տ. Մանե Թանդիլյան
Այսօր ԱԺ-ում իր ելույթի ժամանակ Լուսավոր Հայաստան խմբակցության պատգամավոր Մանե Թանմդիլյանն անդրադառնալով կառավարության ծրագրում ներառված աղքատության հաղթահարմանը նշեց, որ կարևորում է Փաշինյանի այն դիտարկումը, որ ծայրահեղ աղքատություն չի լինելու առաջիկա 5 տարիների ընթացքում: «Ծայրահեղ աղքատ չի լինելու, դառնալու է ի՞նչ, աղքա՞տ, այսինքն 25.7 տոկոս աղքատությունը նվազելո՞ւ է, թե՞ պահպանվելու է»,-ասաց Մանե Թանդիլյանը, այնուհետև շարունակեց,-«Կառավարության ծրագրում արտացոլված պատկերն ինձ համար հեղափոխական չէ, բայց հույս ունեմ, որ կառավարության հեղափոխական տնտեսական թիմի մտքում ու ճանապարհային քարտեզում հեղափոխություն կլինի ու կունենանք առաջանցիկ տեմպերով զարգացող տնտեսություն»: Նա արձանագրեց, որ իշխանությունն ունի վստահության մեծ չափաբաժին, որը մսխվել էր նախորդ իշխանությունների կողմից ու այսօր այն վերականգնվել է հեղափոխության շնորհիվ:
Հետևեք մեզ Viber-ում
