Ինչքանով է «Գազպրոմ Արմենիան» գազ գնում ՝էդ ուրիշ թեմա է.վարչապետ
ԱԺ նիստում «Լուսավոր Հայաստան» խմբակցության պատգամավոր Արման Բաբաջանյանը վարչապետ Նիկոլ Փաշինյանին հարց ուղղեց գազի թանկացման, կուտակվող ներքին պարտքի և դրա փոխհատուցման մասին: «Ես ձեր մտքերի ընթացքը, անկեղծ ասած, չեմ հասկանում: Իսկ ո՞վ ասեց, որ ներքին պարտք է կուտակվելու: Ես շատ հստակ այդ մասին հայտարարել եմ, ես ասել եմ, որ գազի գինը չի բարձրանալու, դուք ասում եք, որ հայտարարել եմ, որ գազի գինը փաստորեն արդեն բարձրացել է: Պետությունը գազ չի գնում, գազ գնում է «Գազպրոմ Արմենիա» ընկերությունը: Եվ «Գազպրոմ Արմենիա» ընկերությունը ինչքանով է գազ գնում էդ ուրիշ թեմա է, իսկ պետությունը գործ ունի ՀՀ սպառողների հետ»,- ասաց Ն.Փաշինյանը:
«Ես ասել եմ, որ սպառողների համար գազի գինը 2019-ին չի բարձրանա: Բանակցությունները վերաբերում են մեր շահերի պաշտպանությանը»,-ասաց բարչապետը և հավելեց,որ այստեղ կա հայ-ռուսական և ԵԱՏՄ հարթության վրա թեմայի քննարկման անհրաժեշտություն, և ՀՀ կառավարությունը պետք է մասնակցի այդ քննարկումներին ու պաշտպանի ՀՀ շահերը:
Հետևեք մեզ Viber-ում
