«Կոգնիտիվ դիսոնանս». ԱԺ բուֆետում ինչպես մսուր-մանկապարտեզում

«Իրավունք» թերթը գրում է. «Խորհրդարանում երեկ մեկնարկեց առաջին նստաշրջանի հերթական նիստը: Ուշագրավ է այն, որ նորաթուխ պատգամավորները, ինչպես «Լուսավոր Հայաստան» խմբակցության պատգամավոր Մանե Թանդիլյանը կասեր, դեռ «կոգնիտիվ դիսոնանսի» մեջ են իրենց կերպարի եւ օրենսդրական գործունեության միջեւ: Եթե նիստերի ընթացքում երիտպատգամավորները կարողանում են պատգամավորի տպավորություն ստեղծելու համար «լուրջ դեմքով» նստել ու փորձել խելացի մտքեր արտահայտելու չհայտարարված մրցույթին մասնակցել, ապա իրավիճակը բոլորովին այլ է նիստերից դուրս: Բավական է մտնել ԱԺ բուֆետ, որտեղ բոլորի աչքի առջեւ բացվում է իրական մսուր-մանկապարտեզի դռները: Պատգամավորներն իրար հերթ չտալով կուտակվում են, աղմկում, երբեմն նույնիսկ տպավորություն է, որ ոմանց համար օրենսդիր իշխանության գալու գլխավոր նպատակներից մեկն էլ կուշտ փորով հաց ուտելն էր»: Առավել մանրամասն՝ թերթի այսօրվա համարում