Կիսվել լուրով

Կառավարության ծրագիրն առաջիկա հինգ տարիների համար հեղափոխական առաջընթաց չի նախատեսում

Поделиться

168 ժամը գրում է. Ազգային ժողովում կմեկնարկի կառավարության գործունեության ծրագրի քննարկումը։ Անկախ նրանից，թե ծրագիրը որքանո՞վ է արտահայտում հասարակության շրջանում եղած սպասումները և որքանո՞վ է տեղավորվում քաղաքական իշխանության կողմից նախկինում տրված խոստումների շրջանակներում, այն անխոս կընդունվի։ Իսկ թե ինչ կստանա դրանից հանրությունը, այլևս կարևոր չէ։

Մի բան միանշանակ է, որ կառավարությունը շարունակում է ճռճռան հայտարարություններով խաղալ հասարակության զգացմունքների վրա։ Քանի կար, աշխատավարձի ու կենսաթոշակի շռնդալից բարձրացում, աշխատատեղերի ու մարդկանց եկամուտների կտրուկ ավելացում, գազի, հոսանքի ու ջրի սակագնի նվազեցում, ներդրումային բում, բազում այլ և այլ բաներ էին խոստանում, հիմա էլ անցել են տնտեսական հեղափոխությանը։ Այնինչ կառավարության ծրագրում որևէ հիշատակում չկա, թե դրանից ինչ է ստանում հասարակությունը։
Եվ դա պատահական չէ, եթե հաշվի առնենք, որ իրականում ոչ մի տետեսական հեղափոխություն էլ չի ենթադրում այն, ինչ առաջարկում է կառավարությունը։ Եթե տնտեսական հեղափոխությունը չի բերելու տնտեսության թռիքաձև աճին և հասարակության սոցիալական վիճակի կտրուկ բարելավմանը, ապա ո՞ւմ է պետք այդ հեղափոխությունը։
Հատկանշական է, որ կառավարության ծրագրում խոսքը չկա տնտեսության թռիչքի մասին, ինչը ոչ վաղ անցյալում անընդհատ կրկնում էր վարչապետը։ Այն աճը, որն առաջիկա հինգ տարիների համար ակնկալում է կառավարությունը, որևէ աղերս չունի տնտեսական թռիչքի հետ։ Զարմանալի է, որ 5 տոկոսը Հայաստանում այլևս համարվում է աճի բարձր տեմպ։ Նախկինում ընդունված էր ասել, որ տնտեսական աճի արդյունքները հասարակության լայն զանգվածներին հասանելի դարձնելու համար անհրաժեշտ է շատ ավելի բարձր և երկարատև աճ։ Իշխանափոխությունից հետո կառավարությունը մի կողմից՝ հայտարարում է տնտեսական հեղափոխություն իրականացնելու մասին, մյուս կողմից՝ դրել է բավական համեստ աճի նշաձող։ Սա նշանակում է, որ ոչ մի հեղափոխություն էլ տեղի չի ունենում։ Գործ ունենք ընդամենը հերթական բարձրագոչ հայտարարության հետ, որով կառավարությունը նպատակ ունի տպավորություն գործել հասարակության վրա։ Երկար ժամանակ պետք չի լինի դրանում համոզվելու համար։ Ակնհայտ է, որ կառավարության ծրագիրն առաջիկա հինգ տարիների համար հեղափոխական առաջընթաց չի նախատեսում, չնայած դրա համար նախկինում առկա բոլոր խոչընդոտները, որոնց մասին հաճախ հայտարարվում էր խորհրդարանի ընտրություններից առաջ, այլևս չկան։ Հասարակությունը Նիկոլ Փաշինյանին և իր թիմին օժտեց բոլոր հնարավոր ու անհնարին իրավունքներով，ուժեղ մանդատով՝ հույս ունենալով，որ, ի վերջո, կլուծվեն իրեն հուզող բազմաթիվ խնդիրները։ Հերթական անգամ, սակայն, դա տեղի չի ունենում։ Հասարակությունը դարձյալ մնում է ձեռնունայն։ Առաջիկա տարիներին Հայաստանում սոցիալ-տնտեսական կտրուկ տեղաշարժեր չեն սպասվում։ Զարգացումներն ըստ էության լինելու են այնպիսին, ինչպիսին եղել են մինչև այժմ։ Դատարկ էին այն բոլոր խոստումները, որոնք իշխանափոխությունից առաջ և հետո Նիկոլ Փաշինյանը շռայլում էր հասարակությանը։ Փաստն այն է, որ դրանք որևէ կերպ տեղ չեն գտել կառավարության ծրագրում։ Այսինքն՝ առաջիկա հինգ տարիներին նման հույսեր չպետք է ունենալ։ Չի սպասվում աշխատավարձերի և կենսաթոշակների կտրուկ բարձրացում։ Մարդկանց աշխատանքով ապահովելու որևէ հեռանկար կառավարության ծրագիրը չի ուրվագծում։ Մինչդեռ ժամանակին հասարակությանը սարեր էին խոստանում։ Ու ոչ միայն՝ աշխատավարձերի ու կենսաթոշակների բարձրացման կամ աշխատատեղերի ստեղծման տեսքով։ Գործադիր և օրենսդիր իշխանությունը ձևավորելուց հետո՝ քաղաքական նոր իշխանությունը վարչապետի գլխավորությամբ, սահուն անցավ հանրային ծառայություններն էժանացնելու վերաբերյալ ժամանակին բազմիցս հնչեցրած խոստումների վրայով։ Նիկոլ Փաշինյանն այլևս չի հիշում, թե ինչ էր ասում գազի, էլեկտրաէներգիայի կամ ջրի ուռճացված սակագների վերաբերյալ։ Դրանց գները ոչ միայն չնվազեցին, այլև կառավարության կոկորդին է մնացել գազի ներմուծման գնի բարձրացումը։ Որքան էլ հայտարարվում է, որ ներքին սակագները մնալու են նույնը，այնուհանդերձ այդպես էլ չի հստակեցվում, թե, ի վերջո, ո՞վ պետք է վճարի թանկացման դիմաց։ Բանակցությունները գազամատակարար ընկերության հետ շատ երկար են ձգվում։ Իսկ այդ ընթացքում պարտքը կուտակվում է։ Խոսքը ոչ փոքր գումարի մասին է. տարեկան այն կարող է հասնել առնվազն 30 մլն դոլարի։ Ու եթե գազամատակարար ընկերությունը չստանձնի թանկացման բեռը, այն մնալու է կառավարության ուսերին։ Մի կառավարության, որի ղեկավարը ժամանակին խոսում էր ոլորտում մեծ չարաշահումների ու թալանի，կոռուպցիոն սխեմաների կիրառման，սակագները նվազեցնելու լուրջ հնարավորությունների գոյության մասին։ Հասարակությունը հավատում էր և սպասում, որ իշխանափոխությունից հետո իրավիճակը կփոխվի՝ նախկին թալանչիները կպատժվեն։ Ինն ամսվա ընթացքում կառավարությանը հաջողվել է բյուջե վերադարձնել ընդամենը մի քանի միլիարդ դրամ։ Եվ դա պատահական չէ, եթե հաշվի առնենք, որ հայտարարված բազմաթիվ աղմկոտ բացահայտումներն ընդամենը հասարակության վրա տպավորություն գործելու նպատակ էին հետապնդում։ Թե իրականում ինչ եղավ, այսօր բոլորն են տեսնում։ Այնպես, ինչպես տեսնում են, թե որքանով են լուծվել  աշխատավարձերի և կենսաթոշակների շեշտակի բարձրացման, տասնյակ-հազարավոր աշխատատեղերի ստեղծման, աղքատության կրճատման, ստվերային շրջանառությունների հարկման, բյուջեի եկամուտների կտրուկ ավելացման հետ կապված հարցերը։ Դրանց լուծումը չկա նաև կառավարության ծրագրում։ Ոչ միայն հայտնի չէ, թե ինքանո՞վ պետք է կրճատվի ստվերը, այլև, թե ի՞նչ է ստանալու դրանից պետական բյուջեն առաջիկա հինգ տարիներին։ Մինչդեռ Նիկոլ Փաշինյանը ժամանակին խոստանում էր պետության գանձարան բերել տարեկան լրացուցիչ առնվազն 800 մլն դոլար։ Դա, ըստ էության, այն գումարն էր, որն ամեն տարի պիտի գանձվեր ստվերային տնտեսությունից։ Իսկ ո՞ւր են հիմա ստվերային շրջանառություններից ստացվող բյուջետային մուտքերը։ Այժմ էլ կառավարությունը տնտեսական հեղափոխությունից է խոսում։ Ի՞նչ տնտեսական հեղափոխության մասին է խոսքը, եթե դրա արդյունքում հեղափոխական փոփոխություններ չեն ակնկալվում՝ ինչպես տնտեսության մեջ, այնպես էլ՝ հասարակության կյանքում։

Поделиться
դիտվել է 55 անգամ
Հետևեք մեզ YouTube-ում Հետևեք մեզ Facebook-ում Հետևեք մեզ Telegram-ում Հետևեք մեզ Viber-ում
LIVE
Լրահոս
Արքայության մասին ուսուցումը – Պետության տեսիլքի և վարքագծի գաղափարականի առաջմղումը Ինչ է հայտնաբերվել Երևանում պարեկների գիշերային շրջայցերի ժամանակ ԱՄՆ-ն կքննարկի Ուկրաինայի խնդրանքը «Patriot» ՀՕՊ համակարգի համար հրթիռներ արտադրելու վերաբերյալ Քրեական ոստիկանները հայտնաբերել են ավելի քան 60 գրամ մեթամֆետամին. 31-ամյա տղամարդը ձերբակալվել է «Ռեալի» պաշտպան Ալվարո Կարերասը կարող է համալրել «Չելսիի» շարքերը Ռոնալդոն մեծագույններից մեկն է, սակայն նա առաջին տեղում չէ. սա ընդամենը վիճակագրություն է․ Մեսսի ՀԷՑ-ի օտարման վերաբերյալ արբիտրաժային վարույթը կրում է բացառապես դատավարական բնույթ․փաստաբանական թիմ Մոսկվայում և Մերձմոսկովյան շրջանում արգելվել են փոքր ինքնաթիռների թռիչքները Առևանգված ժողովրդավարություն. Հայաստանի կեղծված խորհրդարանական ընտրությունները․ Հարութ Սասունյան Վանաձորում 7 տարեկան երեխայի մահվան պատճառ դարձաձ խողովակը վաղը կապամոնտաժեն Իրավական գործողություններ կձեռնարկվեն՝ ընտրողների սուբյեկտիվ իրավունքը պաշտպանելու նպատակով Հայաստանի հավաքականը հաղթեց Ադրբեջանին՝ 3։0 ԿԸՀ-ն տվել է Ռոբերտ Քոչարյանի նկատմամբ քրեական գործ հարուցելու մասին համաձայնություն. փաստաբան Դավիթ Ղազինյանը ձերբակալվել է Թրամփի նոր խայտառակ սուտը․ Հարութ Սասունյանը մանրամասնում է (video) Ժողովու՛րդ, սրանք ԱԺ-ից նոր սարսափելի բան հայտարարեցին. Սամվելյան (video) «Նիկո՛լ, դու միշտ ես սարսափելու Ռոբերտ Քոչարյանից»․ Համբիկ Սասունյան (video) Նիկոլի «թռնելու» ծանր հետևանքը․ էլ ի՞նչ է անելու Ռուսաստանը․ Արդարադատության գեներալ-մայոր (video) «Արագացրա՛, ձերբակալիր». ի՞նչ են պայմանավորվել Հաջիևի հետ. Արմենակ Դանիելյան (video) ЕС может смягчить торговые правила для Армении после запрета на импорт в Россию — FT. Financial Times: Брюссель пытается переманить союзника России торговыми подачками Steigan: Украина планирует заполнить половину пехотных подразделений иностранцами Պարտքի բարձր մակարդակի սպասարկման բեռը` մտահոգիչ գործոն. «Լույս» հիմնադրամ Քանաքեռ-Զեյթունի ոստիկանները ձերբակալել են գիշերվա ժամը 3․40-ին դրիֆթ կատարած երիտասարդին Աշտարակում վթարվել է երեխաներին էքսկուրսիա տանող ավտոբուսը․ 3 հոգի տեղափոխվել է հիվանդանոց
ԱՄԲՈՂՋ ԼՐԱՀՈՍԸ
Ամենաընթերցվածները
«Թուրքական մամուլը խայտառակ թվեր է հրապարակել Աննայի ծախսերից»․ Համբիկ Սասունյան (video) 1 Միլիոնավոր պարգևավճարներին զուգահեռ Փաշինյանը նորից խոսեց թոռակառուների փողից․․․ (video) 2 «Արագացրա՛, ձերբակալիր». ի՞նչ են պայմանավորվել Հաջիևի հետ. Արմենակ Դանիելյան (video) 3 Լա՛վ լսեք՝ մենք թույլ չենք տա՝ սա մնա անպատիժ. Սամվել Կարապետյանի միջազգային փաստաբան (video) 4 Ժողովու՛րդ, սրանք ԱԺ-ից նոր սարսափելի բան հայտարարեցին. Սամվելյան (video) 5
Շուտով
Հունիսի 17-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Հունիսի 17-ին՝ ժամը 14։00-ին, Հայելի ակումբի հյուրն է Ռուզան Ստեփանյանը Հունիսի 17-ին՝ ժամը 12։00-ին, Հայելի ակումբի հյուրն է Անաստաս Իսրայելյանը Հունիսի 16-ին՝ ժամը 12։00-ին, Հայելի ակումբի հյուրն է Արմինե Ադիբեկյանը Հունիսի 16-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը Հունիսի 16-ին՝ ժամը 13։00-ին, Հայելի ակումբի հյուրն է Երվանդ Բոզոյանը Հունիսի 16-ին՝ ժամը 10։30-ին, Հայելի ակումբի հյուրն է Հովհաննես Իշխանյանը Հունիսի 15-ին՝ ժամը 15։30-ին, Հայելի ակումբի հյուրն է քաղաքագետ, ԲՀԿ ցուցակով պատգամավորի թեկնածու Սուրեն Սուրենյանցը Հունիսի 15-ին՝ ժամը 14։00-ին, Հայելի ակումբի հյուրն է լեզվաբան Նարինե Դիլբարյանը Հունիսի 15-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Հետևեք մեզ Viber-ում https://cutt.ly/5wn8sJBS
Hayeli.am