Ինչ պայմաններում է պահվում երկրորդ նախագահը

ՀՀ մարդու իրավունքների պաշտպան Արման Թաթոյանն այցելել է ՀՀ երկրորդ նախագահ Ռոբերտ Քոչարյանին, այս մասին նա հայտնել է լրագրողների հետ զրույցի ժամանակ: Թաթոյանը նշել է, որ երկրորդ նախագահի գործով իր ղեկավարած կառույցում նախաձեռնված է ընթացակարգ, վարույթ, իրենք կապի մեջ են փաստաբանների հետ: «Քննարկումը շարունակվում է, տարբեր հարցեր են բարձացված: Արգելանք կա տեսակցությունների մասով, սակայն մեր կատարած աշխատանքների արդյունքում հանդիպումներ եղել են»,- ասաց նա: Թաթոյանը նշեց, թե իրենց համար նշանակություն չունեն այն հասարակական ընկալումները, որոնք կան անձի վերաբերյալ, թե ով է հանցանքի կատարման մեջ մեղադրվողը: Հարցին, թե ինչ պայմաններում է պահվում Քոչարյանը, ՄԻՊ-ը նշեց, որ վերջինս մենակ է խցում. Վերաբերմունքից նա դժգոհություններ չունի, սակայն խցերը փոքր են: