Ռոբերտ Քոչարյանը ցուցմունք չի տվել ու առայժմ չի էլ պատրաստվում տալ. պաշտպան (video)
«Բացառում եմ, որ Ռոբերտ Քոչարյանը կարող է խոչընդոտել գործի քննությանը կամ թաքնվել։ Պարոն Քոչարյանը օրենքով պետության կողմից պաշտպանվում է, անընդհատ իր կողքին գտնվում են ԱԱԾ բարձրաստիճան սպաներ», - Հայելի ակումբում լրագորղների հետ հանդիպմանն ասաց ՀՀ երկրորդ նախագահ Ռոբերտ Քոչարյանի պաշտպանականի խմբի անդամ Հայկ Ալումյանը : « Ռոբերտ Քոչարյանը չի կարող որևէ մեկին հանդիպել, կամ որևէ մեկը չի կարող այլ կերպ, քան նախապես տեղեկացնելով՝ ժամով, րոպեով, հանդիպել։Բացառված է, որ պարոն Քոչարյանը, ազատության մեջ մնալով, մի այնպիսի հանդիպում ունենա, որի մասին մեր պետությունը անմիջապես տեղյակ չդառնա», - ասաց նա։ «Անհեթեթ է այն վարկածը, թե ՀՀ երկրորդ նախագահը կարող է թաքնվել քննությունից։ Ռոբերտ Քոչարյանը որևէ անգամ ցուցմունք չի տվել։Ինքն ընդհանրապես ցուցմունք չի տվել ու առայժմ չի էլ պատրաստվում ցուցմունք տալ, որովհետև ինքը հայտարարել էր, որ մեղադրանք է առաջադրվել իրեն, որից հասկանալի չէ, թե ինչի մասին է խոսքը», - ընդգծեց Ռոբերտ Քոչարյանի պաշտպանը։
Հետևեք մեզ Viber-ում
