Իրենք երբ մեր հայտարարություններից մեկը ստուգում են ու համոզվում են, որ ճիշտ ենք ասել, ասում են՝ նախաքննական գաղտնիք է. Ալումյան
ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն այսօր Հայելի ակումբում լրագրողների հետ զրույցում խոսեց 0038 հրմանանից: «Իհարկե, 0038 հրմանանին նախորդել է Ռոբերտ Քոչարյանի հանդիպումը բարձրագույն սպայական կազմի հետ, դա ժխտելու կարիք չկա: Դրանից հետո պաշտպանության նախարարն արձակել է 0038 հրամանը, որը սկսել է կատարվել: Այդ հրամանի մեջ չկա մի բան, որը հետագայում կարող եք ասել, որ արտառոց բան է կատարվել: Երբեւէ որեւէ պաշտպանության նախարարի հրաման որեւէ նախագահի օրոք չի գնացել նախագահական նստավայր, որ ստանա հավանություն: Մենք նախաքննականմարմինին բազմիցս խնդրել ենք դա ստուգել: Իրենք երբ մեր հայտարարություններից մեկը ստուգում են ու համոզվում են, որ ճիշտ ենք ասել, իրենք այդ տվյալները մեզ չեն տրամադրում, ասում են՝ նախաքննական գաղտնիք է: Նախաքննական գաղտնիքն իրենց համար լավ վահան է»,-ընդգծեց նա:
Հետևեք մեզ Viber-ում
