Սերժ Սարգսյանը հարցաքննվել է. փաստաբանը հաստատում է. տեսանյութ
|
Նախկին նախագահ Սերժ Սարգսյանի փաստաբան Ամրամ Մակինյանը «Ազատության» հետ զրույցում հաստատել է՝ Սարգսյանը Հատուկ քննչական ծառայությունում (ՀՔԾ) որպես վկա «Մարտի 1»-ի գործով հարցաքննվել է: Մակինյանը հրաժարվեց ասել, թե արդյոք երրորդ նախագահն էլի է հրավիրվել հարցաքննության։
«Նախաքննության գաղտնիքով պայմանավորված գտնում ենք, որ այս փուլում այդ տվյալները հրապարակման ենթակա չեն», - հայտարարել է փաստաբանը:
Չմանրամասնեց նաև՝ քանի անգամ է Սարգսյանը հարցաքննվել: Մամուլը, մի քանի հարցաքննությունների մասին է գրել: Դրանք, ըստ հրապարակումների, բավականին երկարատև են եղել՝ մինչև 6-ժամանոց։
«Կարող եմ անդրադառնալ մի հարցի, որը շրջանառվում է մամուլում, թե պարոն Սարգսյանը մեղադրող ցուցմունքներ է տվել պարոն Քոչարյանի դեմ․ հերքում եմ, դրանք միանշանակ սուտ են և ոչ իրական, այդպիսի ցուցմունքներ պարոն Սերժ Սարգսյանը չի տվել», - ասել է Ամրամ Մակինյանը:
|
Հետևեք մեզ Viber-ում
