Անանյան 3 եղբայրները՝ բարձրաստիճան պաշտոնյա
Այնպես չէ, որ Պետական եկամուտների կոմիտեի նախագահ Դավիթ Անանյանը, ընտանիքում միակ պաշտոնյան է։ Անանյան եղբայրները երեքն են, և մյուս երկուսն էլ բավականին լավ պաշտոն ունեն։ Hraparak.am-ն արդեն առիթ ունեցել էր գրելու, զարմանալի զուգադիպությամբ, երբ որևէ անձ Հայաստանում պաշտոն է ստանում, անմիջապես նրա բարեկամներին սկսում են նկատել իրենց աշխատած հիմնարկներում և գնահատել նրանց «տաղանդները»։ Մասնավորապես, նման եզրահանգման եկել էինք, երբ 2018-ի հոկտեմբերի 11-ին Սասուն Անանյանը նշանակվել էր Ոստիկանության բուժվարչության պետ։ Իսկ եղբայրներից երրորդը՝ Մհեր Անանյանը, Ֆինանսների նախարարության գնումների վերաբերյալ բողոքներ քննող անձ է։ Նրան էլ առիթ ունեցել էինք անդրադառնալ՝ գրելով, թե նա ինչպես էր մերժել Դատական դեպարտամենտի առաջարկը՝ «Զիգզագ» ՍՊԸ-ին գնումների գործընթացին մասնակցելու իրավունք չունեցող մասնակիցների ցուցակում ներառելու նպատակով։ Փաստորեն, արձանագրել էինք, որ Մհեր Անանյանն իրականում մերժել էր իր ոչ անմիջական վերադասի՝ կառավարության աշխատակազմի ղեկավար Էդուարդ Աղաջանյանի հորը պատկանող ընկերության դեմ բողոքը։
Հետևեք մեզ Viber-ում
