Սա հեղափոխական շրջադարձ է. Հակոբ Արշակյան
Պետությունը հանձն է առնում իր ընկերությունները ներկայացնել արտասահմանյան շուկաներում եւ սա հեղափոխական շրջադարձ է: Այսօր՝ փետրվարի 8-ին, այս մասին լրագրողների հետ զրույցում նշեց ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը: «Նախարարության կազմում նախատեսվում է երկու ուղղությամբ պետական վաճառքի ստրատեգիական թիմ ստեղծել, և ես առաջիկայում առիթ կունենամ այս մասին խոսելու բարձր տեխնոլոգիական եւ ռազմարդյունաբերական համայնքի հետ, մենք ստեղծելու ենք պորտֆելներ՝ պրոդուկտների, ծառայությունների եւ նաեւ մեր գիտահետազոտական պոտենցիալի եւ դրանք ուղղակի վաճառքով դրսի շուկաների մեր գործընկերների հետ զբաղվելու համար»,-ասաց նա: Նրա փոխանցմամբ՝ նույնը տեղի է ունենալու նաեւ ռազմարդյունաբերական ոլորտում. «Մենք հիմա սկսել ենք թիմի ձեւավորումը եւ առաջիկայում դրա արդյունքները շատ հստակ կերեւան»,-նշեց նա:
Հետևեք մեզ Viber-ում
