«Պարոնայք ծռեր, դե եկեք բոլորիս կոտորեք, դինջացեք». Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրել է. «Ըսկի Սերժի ժամանակ չէին փակ դատ անում», - այսօր բղավում էին ծռերի դատավարության ժամանակ։ Պարոնայք ծռեր, հիշեցնեմ, Սերժի ժամանակ դուք բանտում էիք, իսկ հիմա ազատ ֆռֆռում եք, ինչը միաձայն չի՛ ողջունել հասարակությունը։ Ընդամենը սա բավական է, որ դուք և ձեր համակիրները դատարանում ձեզ մի քիչ ավելի ԿԱՐԳԻՆ պահեք, մի քիչ փոխեք ձեր բառապաշարը, անմարդկային բղավոցներ չարձակեք, իմ շատ չսիրած ոստիկանապետ Օսիպովին «լակոտ» չասեք, որովհետև էդ մարդը երկարուձիգ օրեր ձեր պատանդն է եղել և իրոք գործընկերներ է կորցրել, ու հեչ պարտավոր չի դատարանին խնդրել, որ ձեզ ազատ արձակեն։ Դուք ձեզ հերոս եք համարում, շատ-շատերը՝ ոչ։ Մեկն էլ՝ ես։ Դե եկեք բոլորիս կոտորեք, դինջացեք, բայց առանց ճղճղալու, գլուխս ցավում է»։