Բաքուն միջազգային հետախուզում հայտարարեց Արցախում պատիժը կրած Հուսեյնզադեի նկատմամբ: Ի՞նչն էր պատճառը

Արցախի նախագահի խոսնակ Դավիթ Բաբայանն անդրադարձել է Արցախում պատիժը կրելուց հետո Ադրբեջանի քաղաքացու ազատ արձակմանը: Նա Ֆեյսբուքի իր էջում գրել է. «Էլնուր Հուսեյնզադեի անհատական օրինակը Ադրբեջանի մեծ աշխարհաքաղաքականության ներքո Մի քանի օր առաջ ազատ է արձակվել Ադրբեջանի քաղաքացի Էլնուր Հուսեյնզադեն, ով երկու տարի առաջ ապօրինի հատել էր Արցախի սահմանը: Իհարկե, դա միանշանակ չի ընդունվել հասարակության կողմից, բայց նման քայլն առաջին հերթին օրենքի պահանջ էր, քանի որ իր պատիժը կրելուց հետո ցանկացած անձ՝ անկախ ազգությունից, կրոնից եւ քաղաքական աշխարհայացքներից, պետք է ազատ արձակվի: Բացի դրանից, այսպիսի մոտեցումը համահունչ է նաեւ հայոց ազգային արժեհամակարգին եւ աշխարհայացքին: Մեր ժողովուրդը հայրենասեր է, բայց երբեւիցե նացիստ կամ ֆաշիստ չի եղել, գաղափարներ, որոնք հանդիսանում են Ադրբեջանի պետականաշինության հիմքը: