««Իմ քայլը» խմբակցությունից ցուցում չի եղել լրագրողներին ներս չթողնելու». Լիլիթ Մակունց
«ԻՄ ՔԱՅԼԸ» խմբակցության ղեկավար Լիլիթ Մակունցը ներողություն է խնդրել՝ լրագրողներից ԱԺ անցակետում ստեղծված իրավիճակի համար։ «Հարգելի լրագրողներ, ուզում եմ ներողություն խնդրել երեկ ԱԺ անցակետում տեղի ունեցածի հետ կապված: «ԻՄ ՔԱՅԼԸ» խմբակցությունից որևէ մեկի կողմից ցուցում չի եղել լրագրողներին ներս չթողնելու, ավելին, երբ պատգամավոր Սիսակ Գաբրիելյանից տեղեկացա, որ անցակետում խնդիր է առաջացել, անմիջապես շտապեցինք միասին դեպի Բաղրամյան փողոց, որպեսզի տեղեկատվություն տրամադրենք մամուլին: Միջոցներ կձեռնարկենք, որպեսզի հետագայում նման թյուրիմացություններ չառաջանան։ Նորից հայցում եմ ձեր ներողամտությունը»,- իր ֆեյսբուքյան էջում գրել է ԱԺ «Իմ քայլը» խմբակցության ղեկավար Լիլիթ Մակունցը։
Հետևեք մեզ Viber-ում
