Փաշինյանն անսխալականի բարդույթով որոշումներ է կայացնում. Լևոն Բաղդասարյան (video)
Այսօր լրագրողների հետ հանդիպմանը, «Նորք Մարաշ» զինված խմբի գործով փաստաբան Լևոն Բաղդասարյանը, խոսելով իրավական ոլորտում բարձիթողի վիճակից, ասաց. «Ինչքան էլ երկրի վարչապետը ասում է,որ դատական համակարգն անկախ է, ինքը ոչ մի լիազորություն չունի դրա վրա ազդելու, միևնույն է, վերջինս ուղղակի պատասխանատուն է այդ ոլորտում տեղի ունեցող ոչ իրավաչափ գործառույթների»: Ըստ փաստաբանի՝ այսօր իրավապահ մարմիններում հարյուրավոր մարդիկ են, որոնց իրավունքներն ուղղակիորեն ոտնահարված են. «Ինչպես նախկինում, այժմ ևս նկատելի է, որ գործող իշխանությունն անսխալականի բարդույթով կատարում է իր ոչ իրավաչափ գործառույթները: Նորանկախ Հայաստանի պատմության մեջ երբևիցե ես չեմ տեսել, որ լինի համաներում, որտեղ կլինի խտրականություն»: Փաստաբանի դիտարկմամբ՝ իրավաչափ չէ, որ համաներման են արժանանում «Սասնա Ծռեր» խմբի անդամները, բայց «Նորք Մարաշ» զինված խմբի անդամների վրա համաներումը չի տարածվում: Մանրամասները՝ տեսանյութում.
Հետևեք մեզ Viber-ում
