Շտապ. Քոչարյանը դատարանում հանդես կգա հայտարարությամբ

Հայաստանի վերաքննիչ քրեական դատարանում այսօր՝ հունվարի 31-ին, հետաձգվեց ՀՀ երկրորդ նախագահ Ռոբերտ Քոչարյանի խափանման միջոցի հարցի քննությունը. այն կշարունակվի փետրվարի 1-ին՝ ժամը 15։00-ին։ Այս մասին լրագրողների հետ զրույցում հայտնեց ՀՀ գլխավոր դատախազության հատկապես կարևոր գործերով քննության նկատմամբ հսկողության վարչության պետ Վահագն Մուրադյանը: Երկրորդ նախագահի փաստաբանական թիմի անդամ Հայկ Ալումյանն էլ լրագրողներին տեղեկացրեց, որ պաշտպանական կողմն այսօր ամբողջությամբ ներկայացրել է Քոչարյանի կալանքի ժամկետը երկարաձգելու առաջին ատյանի դատարանի որոշման դեմ բերված բողոքը։ Նա նշեց, որ հաջորդ դատական նիստին հայտարարությամբ հանդես կգա և իր դիրքորոշումը կներկայացնի նաև Ռոբերտ Քոչարյանը։