«Ֆիլմերում այսպիսի բան հաստատ չեք տեսել. Մարդկանց խոշտանգելու վայր է, բառեր չեմ գտնում». Հայարփի Սարգսյան

Փաստաբան Հայարփի Սարգսյանը ֆեյսբուքյան իր էջում գրել է. «Այս պահին զինծառայող Յուրիկ Բրոյանի գործով գտնվում եմ Սովետաշենի հոգեբուժարանում, բառերով չեմ կարող նկարագրել, թե որտեղ է գտնվում վստահորդս, սարսափելի վատ պայմաններ են: Նուբարաշեն քրեակատարողական հիմնարկի հոտերը փառք են: Ֆիլմերում այսպիսի բան հաստատ չեք տեսել, չկա այսպիսի անմարդկային վայր, սա խայտառակություն է, այստեղ ոչ միայն վստահորդս է, այստեղ են նաև այլ մարդիկ: Այսպիսի անմարդկային վայրում հնարավոր չէ շնչել նույնիսկ համապատասխան շնչելու դիմակներով, որից հիմա օգտվում եմ: Անմիջապես ահազանգել եմ ՄԻՊ, ասացի, որ արագ գան և արձանագրեն, դուրս բերեն այս մարդկանց այստեղից: Մարդկանց խոշտանգելու վայր է, բառեր չեմ գտնում, սա խոշտանգում է ոչ միայն այստեղ գտնվող հիվանդների, այլև այստեղ աշխատող և, առհասարակ, այցելող անձանց նկատմամբ»: