«Ինչո՞ւ հստակ չի հայտարարվում, որ որևէ պարագայում տարածքներ չեն հանձնվելու». Արմեն Աղայան
Քաղաքագետ Արմեն Աղայանը ֆեյսբուքյան իր էջում գրել է. «Հասկացանք «տարածքներ խաղաղության դիմացը» չի քննարկվում։ Իսկ որևէ այլ բանի, ինչ-որ շատ կարևոր բանի դիմաց, օրինակ` կարգավիճակի, միջանցքի ու անվտանգության երաշխիքների դիմաց տարածք հանձնելու հնարավորություն քննարկվում է՞։ Եթե այոʹ, ապա հստակեցրեք ի՞նչն է այդ շատ կարևոր բանը` ըստ նոր կառավարության։ Իսկ եթե ոչ, ապա ինչո՞ւ հստակ չի հայտարարվում, որ որևէ պարագայում տարածքներ չեն հանձնվելու։ Ու ինձ մի ասեք, թե այս հարցը ենթադրությունների վրա է հիմնված ու այն տալու իրավունք չունեմ։ Ունեմ, քանի որ նախորդներն էլ էին երկար ժամանակ ցրողական խոսում, մինչև Մինսկի խումբը պարտադրեց զբաղվել ժողովրդին խաղաղությանը նախապատրաստելով ու ցրելը էլ չէր ստացվում։ ՈՒնեմ նաև այն պատճառով, որ ԱԳՆ մամլո խոսնակը բազմիցս տարածքների հանձնում է քարոզել ու այդ նշանակումը ընդհանուր տենդենցի շրջանակներում է»։
Հետևեք մեզ Viber-ում
