Շահեն Հարությունյանը աշխատանքի է անցել ԱԺ-ում

Շանթ Հարությունյանի որդին՝ Շահեն Հարությունյանը ֆեյսբուքի իր էջում գրառում է արել, հայտնելով, որ աշխատանքի է անցել ԱԺ-ում․ «Հարգելի՛ ընկերներ։ Սիրով տեղեկացնում եմ, որ այսուհետ ՀՀ Ազգային Ժողովում կաշխատեմ պատգամավոր Երջանիկ Հակոբյանի հետ (Իմ Քայլը դաշինք)։ Երջանիկի հետ միասին ծանոթ ենք տարիներ շարունակ և վստահ եմ, որ կկարողանանք հեշտ համագործակցելով՝ հասնել աշխատանքի առավելագույն արդյունքին։ Չմոռանամ նշել՝ չնայած այն հանգամանքին, որ որոշ լրատվամիջոցներ արդեն իսկ իրենց հասանելի ճանապարհներով իմացել և հոդված էին հրապարակել իմ աշխատանքի ընդունման հետ կապված, այնուամենայնիվ ես չէի հաստատել այդ տեղեկությունը։ Ուստի, այս պահից սկսաց այդ տեղեկատվությունը համարեք հաստատված»։