Աղքատն ինչքան էլ հարստանա, վրայից աղքատի հոտ է գալիս. Ֆելիքս Ցոլակյան

ԱԻ նախարար Ֆելիքս Ցոլակյանն այսօր լրագրողների հետ զրույցում դիտարկմանը, որ ՀՀԿ-ականները քննադատում են իշխանությանը և ասում են, թե շուտով մարդիկ սառնարաններում միայն «դուխով» գրությամբ գլխարկներ են գտնելու,  ասաց, որ ցանկացած քննադատություն քաղաքական պայքար է: Հարցին, որ երկրում աղքատությանը չի կրճատվում, Ցոլակյանն ասաց, որ աղքատությունն այդքան արագ չէր կարող կրճատվել․ «Մի ժողովրդական  խոսք կա՝ աղքատն ինչքան էլ հարստանա, վրայից աղքատի հոտ է գալիս՝ 10-20 տարի: Հարուստն ինչքան էլ աղքատանա, վրայից 120-130 տարի հարուստի հոտ է գալիս: Լիքը բաներ կան, պետք է արվի»։