Երևանի քաղաքապետարանում տեղի է ունեցել Երևանում արտակարգ իրավիճակներում բնակչության պաշտպանության ու քաղաքացիական պաշտպանության ոլորտներում 2018թ. ընթացքում իրականացված աշխատանքների արդյունքների ամփոփիչ նիստը: Նիստին մասնակցել են Երևանի քաղաքապետ Հայկ Մարությանը և ՀՀ արտակարգ իրավիճակների նախարարության տնօրեն Արտակ Նահապետյանը:
Նիստի ընթացքում ներկայացվել են նախորդ տարվա ընթացքում Երևանում կատարված աշխատանքները, ինչպես նաև այն ծրագրերը, որոնցով այս տարի շարունակվելու է արտակարգ իրավիճակների նախարարության և Երևանի քաղաքապետարանի միջև համագործակցությունը:
Բոլոր երևանցիների անունից շնորհակալություն հայտնելով ԱԻՆ աշխատակիցներին շուրջօրյա աշխատանքի համար՝ քաղաքապետը նշել է. «Երևանում անընդհատ խնդիրներ են ծագում, և բոլոր խնդիրների առաջնագծում դուք եք: Համարում եմ ձեր կատարած աշխատանքը ուղղակի անգին: Սա ուղղակի հերոսություն է և, երբ մենք ասում ենք՝ ով է մերօրյա հերոսը, այստեղ՝ քաղաքում, իսկապես դուք եք: Եվ պետք է, որ բնակչությունը նույնպես դա գիտակցի, ունենա խոր հարգանք ձեր հանդեպ: Եվ մենք աշխատանքներ կտանենք այդ ուղղությամբ՝ սկսած դպրոցներից»:
Երևանի բնակչության անվտանգության ապահովմանը միտված գործունեության, արտակարգ իրավիճակների կանխարգելման, հնարավոր հետևանքների վերացման և արագ արձագանքման միջոցառումները բարձր մակարդակով կազմակերպելու համար Երևանի քաղաքապետի որոշմամբ ՀՀ ԱԻՆ ՓԾ տնօրենի տեղակալ-ԵՓՎ պետ, փ/ծ գնդապետ Առնոլդ Հարությունյանն արժանացել է Երևանի «Պատվավոր փրկարար» հուշամեդալի: Մասնագիտական բարձր պատրաստականության, բարեխիղճ ծառայության, ծառայողական պարտականությունների կատարման ընթացքում ձեռք բերած հաջողությունների համար Երևանի քաղաքապետի պատվոգրով են պարգևատրվել.
Ժորա Հակոբյանը (ՀՀ ԱԻՆ ՓԾ ԵՓՎ Կենտրոն բաժնի թիվ 1 ՀՓՋ-ի հրշեջ, փ/ծ սերժանտ),
Լյովա Գևորգյանը (ՀՀ ԱԻՆ ՓԾ ԵՓՎ Էրեբունի բաժնի թիվ 3 ՀՓՋ-ի ավագ հրշեջ, փ/ծ սերժանտ),
Գրիգոր Գալստյանը (ՀՀ ԱԻՆ ՓԾ ԵՓՎ Աջափնյակ բաժնի թիվ 7 ՀՓՋ-ի վարորդ-մեխանիկ, փ/ծ սերժանտ),
Տիգրան Իսրայելյանը (ՀՀ ԱԻՆ ՓԾ ԵՓՎ Ավան բաժնի թիվ 11 ՀՓՋ-ի ավագ հրշեջ, փ/ծ սերժանտ),
Անաիդա Մանուկյանը (ՀՀ ԱԻՆ ՓԾ ԵՓՎ ՃԿԲ համակարգչային օպերատոր, փ/ծ սերժանտ):
Միաժամանակ 2018թ. քաղաքացիական պաշտպանության և բնակչության միջոցառումների պլանավորման, աշխատանքների կազմակերպման, ՀՀ ԱԻՆ փրկարար ծառայության հետ արդյունավետ համագործակցության համար ՀՀ ԱԻՆ պատվոգրերի են արժանացել Երևանի քաղաքապետի տեղակալ Սերգեյ Հարությունյանը, քաղաքապետի խորհրդական Կամո Արեյանը, Երևանի քաղաքապետարանի աշխատակազմի առաջին և զորակոչային հարցերի կազմակերպման բաժնի պետ Էվելինա Մարտիրոսյանը և աշխատակազմի քարտուղարության զորահավաքային բաժնի գլխավոր մասնագետ Գագիկ Մկրտչյանը:
Փետրվարի 2-ին՝ ժամը 16։00-ին, Հայելի ակումբի հյուրն է տնտեսագետ, կառավարման փորձագետ Ռոլանդ Մարտիրոսյանը
Փետրվարի 2-ին՝ ժամը 14։00-ին, Հայելի ակումբի հյուրն է քաղաքագետ Էդգար Էլբակյանը
Փետրվարի 2-ին՝ ժամը 13։00-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Փետրվարի 2-ին՝ ժամը 11։00-ին, Հայելի ակումբի հյուրն է քղաքագետ Հայկ Նահապետյանը
Հունվարի 30-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հունվարի 30-ին՝ ժամը 16։00-ին, Հայելի ակումբի հյուրն է Նարեկ Մանթաշյանը
Հունվարի 30-ին՝ ժամը 13։00-ին, Հայելի ակումբի հյուրն է Գառնիկ Դանիելյանը
Հունվարի 30-ին՝ ժամը 12։00-ին, Հայելի ակումբի հյուրն է Վոլոդյա Հովհանիսյանը
Հունվարի 29-ին՝ ժամը 14։00-ին, Հայելի ակումբի հյուրն է «Համահայկական ճակատ» շարժման անդամ Ռուզան Ստեփանյանը
Հունվարի 29-ին՝ ժամը 12։00-ին, Հայելի ակումբի հյուրն է արցախցի հասարակական-քաղաքական գործիչ Անաստաս Իսրայելյանը
Հետևեք մեզ Viber-ում
