Տեր-Պետրոսյանի և Փաշինյանի «օպերատիվ կապը»
politik.am-ը գրում է.Նիկոլ Փաշինյանը օրերս իր մամուլի խոսնակ նշանակեց ՀԱԿ արտաքին հարաբերությունների հանձնաժողովի ղեկավար Վլադիմիր Կարապետյանին։ Մենք մեր նախորդ հրապարակումներից մեկում նշել էինք, որ Փաշինյանն ու Տեր-Պետրոսյանը ինտենսիվ շփվում են։ Խոսակցություններ կային նաև, որ Փաշինյանը ցանկանում է պաշտոնանկ անել Արմեն Սարգսյանին և նրա փոխարեն նախագահ նշանակել Լևոն Տեր-Պետրոսյանին։ Վլադիմիր Կարապետյանից բացի Տեր-Պետրոսյանի շրջապատից էլի կան գործիչներ, որոնք Փաշինյանի շնորհիվ պաշտոններ են ստացել։ Խոսքը, մասնավորապես, Մարտի 1-ի գործով փաստահավաք խմբի անդամ Անդրանիկ Քոչարյանի և նախկին ՀՀՇ-ական Հովհաննես Իգիթյանի մասին է։ Ըստ շրջանառվող լուրերի՝ Վլադիմիր Կարապետյանը լինելու է Տեր-Պետրոսյանի և Փաշինյանի միջև «օպերատիվ կապ»։ Վլադիմիր Կարապետյանը, ի պաշտոնե, նաև ուղեկցելու է Փաշինյանին և մասնակցելու է արտասահմանյան գրեթե բոլոր հանդիպումներին, ու կարող է հետևել՝ Փաշինյանը շեղվու՞մ է Տեր-Պետրոսյանի նախագծից, թե՞ ոչ։
Հետևեք մեզ Viber-ում
