Բանակցային գործընթացում հաջողությունն ապահովելը ևս իր գինն ունի. Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Բոլորի համար հասկանալի է, որ պատերազմ վարելը, բացի բարոյական ու մարդկային զոհերից նաև լուրջ նյութական միջոցներ է պահանջում և դրանում հաղթանակի գինը կապված է, ինչպես զինված ուժերում և թիկունքում գործող մարդկային ռեսուրսի մասնագիտական հմտություններից ու անձնուրացությունից, այնպես էլ այդ ռեսուրսն անհրաժեշտ գույքով ու սպառազինություններով ապահովելու համար անհրաժեշտ ֆինանսական ներդրումներից: Բանակցային գործընթացում հաջողությունն ապահովելը ևս իր գինն ունի, որը հազարապատիկ ավելի ցածր է, քան պատերազմի գինը և զանգվածային մարդկային կորուստներն էլ բացառվում են: Հայաստանի նախկին կառավարիչներն այս հարցում նախընտրեցին կուլուարային պայմանավորվածությունների միջոցով հարցը լուծելու տարբերակը: Բաքուն, կուլուարային պայմանավորվածությունները քաջալերելով, չզլացավ տալ այն գինը, որն ապահովեց իր շահերի մասնագիտական՝ իրավաքաղաքական, տնտեսական, քարոզչական ամրագրումը բանակցային գործընթացի պաշտոնական, այսինքն բաց, ոչ-կուլուարային մակարդակում: Մեր արձագանքը՝ Բաքվի խավիարային դիվանագիտությանը նվիրված ողբն էր: Չէի ուզենա, որ ՀՀ նոր վարչակազմը շարունակի իր նախորդների «գործը»: