Համաներումով ազատված 30 անձ կրկին հանցագործություն է կատարել. Արմեն Ղուկասյան
«ԱԺ-ի կողմից հայտարարված համաներումից հետո ազատ արձակված 581 անձից 30-ը կրկին կատարել է 42 հանցագործություն այսօրվա դրությամբ` 1 ավազակություն, 28 գողություն, որից 10-ը՝ բնակարանային»,- այս մասին այսօր լրագրողների հետ հանդիպման ժամանակ ասաց ՀՀ ոստիկանության շտաբի պետ, ոստիկանության գնդապետ Արմեն Ղուկասյանը։ Ինչպես ասաց` կապ կա կրկնահանցագործության և համաներման միջև, բայց դա չի նշանակում, որ այդ մարդասիրական քայլը, որ պետությունը անում է հանցագործների նկատմամբ, սխալ մոտեցում է։ Ըստ նրա` սա քրեական քաղաքականության մաս է կազմում և նման անձինք պետք է գտնվեն տեսադաշտում, պետք է լինեն հսկողության տակ, սակայն այսօրվա գործող օրենսդրությունը դրա հնարավորությունը լիարժեք չի տալիս:
Հետևեք մեզ Viber-ում
