Մարտի 1-ի պատասխանատուն Լևոն Տեր-Պետրոսյանն է և նրա աջակիցները. Էդուարդ Շարմազանովն անասունների մասին հարց ունի Փաշինյանին (video)
Այսօր՝ հունվարի 29-ին, մամուլի ասուլիսի ժամանակ, ՀՀԿ խոսնակ Էդուարդ Շարմազանովը նշեց, որ խայտառակություն է տիրում Արդարադատության ոլորտում ևս. «Խոսեմ մասնավորապես Քոչարյանի մասին: Իրականացվում է քաղաքական հետապնդում: Նույնը նաև Խաչատուրովի մասով կարող եմ ասել: Ձայնագրությունները բոլորն են լսել: Բոլորն են լսել, թե ինչպես է ՀՔԾ պետը հայտարարում, որ երկու օր կբռնեն խելքի կգա: Սրանից ավել քաղաքական պատվեր լինո՞ւմ է»: Ինչ վերաբերում է մարտի 1-ի դեպքերին, ՀՀԿ խոսնակը նշեց, որ Մարտի 1-ի հիմնական պատասխանատուն Լևոն Տեր-Պետրոսյանն է՝ իր քաղաքական աջակիցներով, որը, ըստ Է. Շարմազանովի՝ այդ օրերին Հայաստանում սերմանել է ատելության և անհանդուրժողականության մթնոլորտ: «Չեմ ասում, որ այն ժամանակ իշխանությունները սխալներ չունեին, յուրաքանչյուր իշխանություն ունի սխալ։ Իմ կարծիքն էիք ուզում լսել՝ ասացի»,- եզրափակեց Էդուարդ Շարմազանովը։
Հետևեք մեզ Viber-ում
